Эстониясо эриця эрзятне, мокшотне

Яак Прозес

Вейсэнь саевкст

Мокшэрзянь масторось (26 200 км, 964 000 эрицят, покш ошось – Саранск ош) ашти Рав ды Ока лейтнень ютксо, косо эрить 30%-тэ седе аламо эрзят, мокшот. Ансяк мокшэрзятне сравтневезь- ёртневезь весе Рузонь масторонть келес. Ламо мокшэрзят эрить Эрзянь масторонть томбалеяк: Самарань, Пензань, Ульяновскоень, Нижней Новгородонь областнесэ, аламошка Куншкань Азиясо, Цибирьсэ. Мордовиясо мокшэрзятнеде эрить ансяк 34,2 %.

Тувталонть,зярдо 1153500 мокшэрзятнеде 814600 ломанть (70%- тэ седе ламо) эрить аволь эсест масторсо, пек умонь юронзо. Рузонь колонизациясь, кона ушодовсь 16 пингестэ, рузокс лемдемась кармавтынзе туеме мокшэрзятнень эсест мода лангсто чилисема ды лембе мастор енов. Зярдо Степан Разинэнь кепедемась ульнесь лепштязь 1670 - 1671 иетнестэ, мокшэрзятнень туртов те ульнесь сехте берянь тевекс - 1/10 пелькст сындест маштозельть, 2/3 пелькст- панезельть эсест эрямо таркастост.

Кода нация, народ мокшэрзятнень течинь чис арась консолидацияст. Эрьванть ули эсензэ сермадома келезэ “Мордва“ лементь сынь ловить тувталтомокс, мик тень лангс, зярдо пшкадить те валсонть, кежиявтыть. Эрзянь ды мокшонь кельтне совить финно-угрань кельтненень. Пазнэнь кемемань коряс мокшэрзятне православнойть, ламотне эйстэдест теевсть пазнэнь а кемицякс. Меельце шкатнестэ кармасть вельмевтеме кезэрэнь пазнэнь кемеманть (язычестванть).

Кить минь? Косто минь? Зяро эйстэденек Эстониянь масторсо?

Зярдо састь васенце эрзятне, мокшотне Эстонияв, пазось ансяк соды. Сынь ульнесть тесэ Ливониянь леднематнестэ Иван Кежеень ледниця ломантнень ютксо, ванстсть Рузонь масторонь гарнизонтнэсэ 18-19 пингетнестэ. Ф.И. Видеман академикесь пурнась эрзянь ёвкст, морот Ревель ошонь гарнизононь солдатнэнь пельде, конат ульнесть эрзят, мокшот. Те ульнесь 19-це пингестэ.Васенце документнэнь коряс минь неятано, зяро мокшэрзят эрясть тесэ 1934 иестэ. Ломанень ловнома - сермадомась иетнень коряс невти,зяро эрясть тесэ эрзят, мокшот:

Эстониянь 1940 иень оккупациясь ульнесь покш тувталокс Рузонь масторонь ломантненень Эстонияв самонтень, секскак ламо мокшэрзят састь тей сеть иетнестэ. 1959 иентень мокшэрзянь тей самось пек кайсь, мейле лоткась касомадо, 1979-1989 иетнестэ таго неяви покш касома тей сыцятнеде.

1989 иестэ Эстониясо эрясть 985 мокшэрзят (487 церат, 498 ават), конат ульнесть чачозь 1900 иестэ ды седе икеле, конат эрякшность СССР-энь 60-де ламо административной единицасо (Эстониясо 112 ломанть - 11%). Лия кельсэ ульнесть 631 ломань, апак урьваксто 214 ломанть, конань кулось низэ (мирдезэ) - 73 ломанть. Мокшэрзятне тесэ эрясть сехте вейсэ чилисема Эстониясо, Харью ды Виру модатнесэ (779 ломанть - 79%). Ялатеке ламо мокшэрзят эрить ошсояк:

Неть невтевкстнэ ёвтыть, кода мольсь велень ломантнень ошонь ломанькс теевемась.

Идентитетэсь

Эстониясо мокшэрзятнень идентитетэнть лавшочись туезь мартост. 1970 иень СССР - сэ ломантнень ловномсто мокшэрзятне невтезь кода ломанть, конат вельть човорявсть руз марто. 1989 иестэ тиринь кельсэ кортасть 367, рузонь кельсэ - 603 , эстононь кельсэ - 13.

Тиринь келенть содамось вишкиньгадсь:

Эряви меремс, мокшэрзятнень Эстонияв самось эзизе лоткавто сынст рузыявтоманть. Эстононь келень чарькодемась сынст а покш, ялатеке седе паро лия финно-угрань ломантнеде. Эстононь келенть ловизь тиринь келекс:

Велесэ эриця мокшэрзятнестэ 1989 иестэ ловизь тиринь келекс Эстононь келенть 7,5% (9 ломанть). Эряви тешктамс сеньгак, лия финно-угратнестэ мокшэрзятне куроксто тонадсть эрямо эстонтнэнь ладсо.

1970 - 1989 иетнестэ эзь аламолгадо ломантне, конат ловсть мокшэрзянь келенть тиринь келекс. Истя тевесь ашти маритнень мартояк. Те а эряви чарькодемс кода эсень келенть вечкемакс, а кода лия кельтнень марто човорямонть каршо кепедемакс. Секскак Эстониясо велесэ эриця мокшэрзятне эсест тиринь келекс ловизь 51,1 % (ошонь эрицятне седе аламо).

Эстониясо мокшэрзянь интеллигенциянть вановтонзо коряс, тесэяк арась мокшэрзятнень ютксо вейсэндямось. Тувталось - эрить ве ено, башка чачома мастордост. Сынь эсь ютковаст кортыть малав свал рузонь кельсэ, мокшось эрзянть а чарькодьсы. Эсест масторост марто а пек ламо контактт, а таго тувтал сенень, мекс тиринь келенть парсте а содасызь. Тесэ эриця интеллигенциясь пек покш. Тартунь, Таллиннэнь университетнэсэ ды колледжтнесэ важодить рузонь, англиянь, франциянь кельтнень тонавтыцятне В. Данилов, Н. Аасмяэ, Н. Баюшкин, Ю. ЮФкин, А. Симберг (эйкакшонь кудонь прявт).

Мокшэрзянь вейсэндявкст

1994 - иестэ панжовсь эстононь-мокшерзянь вейсэндявкс, конань прявтокс ульнесь 1996 иес Р.Клинова рузонь келенть тонавтыця, кона ней “Сятко“ эрзянь - эстононь вейсэндявксонть прявтозо. Мейле прявтокс кармась улеме бизнесменэсь, “Сурако“ а/в азорось Ю.Кульнин. Кавто вейсэндявкстнэ лездыть теемс контактт Эстониясо эрзямокшотнень сынст чачома масторост марто, бажить тонавтнемс эстононь келенть.

1996 це иестэ максозельть социологиянь кевкстемат тесэнь мокшэрзятненень. Неявсь, тезэнь састь ломантне: тетяст-аваст мельга, ульнесть тей кучозь важодеме ды седе тов ломатне содыльть, што тесэ паро эрямось, лиятнень ульнесть тесэ содавиксэст, раськест.

Пек паро невтевкс ули тень коряс. Вейке эрзянь семия эрясь Саратов маласо. Ульнесть стака шкат, вачочи. Кармасть вешнеме паро эрямо тарка. Сынст сыре аваст кортакшнось, што эстонтнэ эрзятненень сыре патят, лелят ды мерсь молемадо Эстонияв. Тетяст сась Таллиннэв 1949-це иестэ, мусь важодема тарка, а 1951-це иестэ мельганзо тердинзе весе эйкакшонзо. Течеминь чис тесэ эрить.

Ванькс мокшэрзянь семият арасть, секскак вишка эйкакшт тиринь кельсэ кортыцят арасть. Кудонь келекс ульнесь свал рузонь кель. Ялатеке 76 % ловсть тиринь келекс эрзянь-мокшонь келенть. Чуросто вастневить тиринь кельсэ ловномат. Кевкстезсетне арсить, што тиринь кельсэ культуранть перспективанзо тесэ арасть. Кудонь масторов бажась туеме ансяк вейке ломань.

Меельце иетнестэ кармасть келейгадомо контакттнэ Эстониянь ды Эрзянь мастортнэнь марто. Тей сакшныть фольклоронь ансамблят, сермадыцят. Сынст марто вастоматне кандыть покш лезэ тесэнь мокшэрзятненень покшолгады, виевгады мелесь келень ды культурань содамонтень.