ЖУЙКОВ Семён Прокопьевич (в. 2.2.1891, Пусошур гурт Глазов уезд Вятка губ., али Удмурт Элькунысь Глазов ёрос – 1967), кылчи, кылъёсты дышетон амалъёсъя онерчи /методист. 1921 арын быдэстиз Вяткаысь пединститутэз. Н. Маррлэсь дышетэмезъя тыршись (ученик и последователь). 1912–18 аръёсы школаын дышетись, Вятка губернилэн калыкез дышетонъя кивалтэтаз портэм выжы калыкъёсты дышетонъя люкетэныз кивалтиз. Глазов но Ижевск педтехникумъёсын дышетиз. 1934 арысен Удмурт пединститутын доцент, удм. кылъя кафедраен кивалтись УдНИИ-ын научной ужась. Удмурт кылъя 40-лэсь ятыр научной ужъёс гожтиз. Педтехникумъёсын но пединститутын удмурт кыллы но удмуртъёсты зуч кыллы дышетонъя нырысетиоссэ программаос дасяз. Удмурт-зуч но шонер гожъяськонъя (Орфографической) словарьёс поттиз. Удмуртилэсь этнографиезъя, диалектъёсъя но экономикая школаосын дышетскон картаос лэсьтиз. Та ужзэ СССР-ысь Наукаосъя Академиезлэн калыкъёсты эскеронъя комиссиез умоен лыдъяз.

1930-ти аръёслэн пумазы пуктонзылэсь утиськон понна лушкемен Удмуртиысь кошкыса, Алма-Атаысь университетын, Семипалатинск пединститутын, Мелекесын но Россошын дышетисьёсты дасясь (учительской) институтъёсын зуч кыллы дышетиз. Ачиз но мукет кылъёсын вераськыны дышетскиз, 17 кылэз тодиз.

Ужъёсыз: Удмуртско-русский словарь. 2-е изд. Ижевск, 1931; Учебник удмуртского языка: Для школ повышенного типа и кружков. Ижевск, 1931. (В соавт.); Учебник удмуртского языка для русских ФЗС и ШКМ 5–6 годов обучения. Ижевск, 1933.

Лит.: Христолюбова Л.С. Ученые – удмурты. Ижевск, 1997.