| |
Выжы емышъёс
(њуч - корнеплоды), жалем емышъёсты поттон вылысь будэтоно емыш будосъёс,
соослэн выжыосазы трос пит. веществоос люкасько, кутћсько пудо сиен луыса,
техн. значениен но. Выжы емышъёс вќлмо музъем пушкысь выжылэн но модослэн
пушъетъёссы луэмен, огазеясько пќртэм семьяосы: маревой – гордкушман;
зонтичной - џужкушман, петрушка, пастернак, сельдерей; крестоцветнойёс
- редис, кушман, сяртчы, каляга, турнепс но мук. Соос одћг, кык но трос
аръем будосъёс. Удм. шаерын џемгес будэто кык аръем кормовой но столовой
емышъёсты. Нырысь араз соос куаръёссэ но выжызэ сёто, кыкетћяз - кидыс.
Удм. шаерысь бусыосын 1817 га вылын (1995) будэто кормовой но сахарной
гордкушман, турнепс, каляга, трос аръем восточной козлятник (кечтурын),
кудзэ поттћзы ИжГСХА-ысь но Респуб. опытной станциысь тодосчиос.
Лит.: Интенсификация кормопроизводства // Научные основы системы ведения
сельского хозяйства Удм. АССР. Ижевск, 1991.
|
|
