ВАХРУШЕВ Агафон Николаевич (23.2.1908, Вукотло гурт, Сарапул у. Вятка губ., али Шаркан ёрос УР, — 18.4.1994, Ижкар), истори наукаосъя канд. (1944). 1933 арын Ленинградысь А.И. Герцен нимо пединститутэз йылпумъяса, 1942 арозь Удмурт пединститутын дышетиз, собере 7 ар партийной ужын; УАССР-ысь калыкез дышетонъя (1945–48), культурая (1955–61) министр, УдНИИ-лэн директорез (1952–55). 1961–1985 аръёсы нош дышетон ужын: пединститутын, университетын наука ужпумъёсъя проректор, доцент. Наукаын эскероно удысэз – Удмуртилэн 1861 ар бере экономика ласянь азинскемез но капитализме пыремез, Октябрь революцилэсь азьло Удмуртилэн историез сярысь гожъямъёсты (историографиез) сэрттон-пертчон.

Ужъёсыз: Удмуртия в период развития промышленного капитализма в России 1861–1895 гг.//Зап. УдНИИ. Вып.17. Ижевск, 1955; Изучение истории Удмуртии до Октябрьской социалистической революции// Историография истории Удмуртии. Ижевск, 1977.

Л.С. Христолюбова.