Вќёпу

(Hippophae, њуч - облепиха) лоховой семействоысь будос, тодмо 3 пќртэмез. Будэто крушиновиднойзэ. Со писпу яке куак, куаръёсыз сюбег но кузялэс, ланцетлы укшало, пурысьмыт-вож; сяськаосыз векчи раздельнополой, интыясько пучылан инъетаз. Айыосыз висъясько мумыосызлэсь сяська пучыослэн быдњалазыя - соос бадњымгес. Мерттэм бере пушъетъёс мульы сётынн кутско кык-куинь ар ортчыса, кидысэн мерттэмъёсыз - 4-6 ар ортчыса. Вќёпу кезьытлы чида, арлы быдэ мульы сётэ. Садын страховой культура луэ. Џемгес будэто џуж но гордмыт-џуж буёлооссэ. Мульыез вуэ гудырикошкон толэзе, пуэзлы быдэ 10-12 кг мульы басьто. Тужгес удалтэ 7-8 арес дыръяз, мульыяське 12-15 ар џоже. Мульыосыз сиёнлы но эмъюмлы мыно, отын вань сахарез, орган. чырсъёс, каротин, С, Р, В группае пырись, Е витаминъёс, серотонин, оксикумаркн но мук. биол. активной в-оос. Тысяз но небытаз 2,8-9,7 вќйыз вань, кутћське медицинаын но озьы ик музъемез утись будос луэменыз, ву но тќл эрозиен нюрьяськон понна. Выжы системаез вакчи, вылэтћ пушъетъёс сётэ, соос ик трос луэменызы муэз утё. Вќёпу декоративной луэ, сое мертто гуртъёсын но каръёсын, урамъёсты вож карон понна. Садъёсын вќлмемын таџе сортъёс: Зарни початок, Катуньлэн саламез, Вќё. Таос векчи мульыё, плодоножказы вакчи, бышкисесь. Вань кыкетћ поколениысь сортъёс но: Чуйской, Превосходной, Великан - таосыз бадњымгес мульыё, кузь плодоножкаен, бышкись ќвќл. Вќлмыто облепихаез пичи вайёсын, отводкаосын но прививкаен. Вайёсыз љог но умой выжыясько. Саженецъёс кык аръем луыны кулэ, мерттоно тулыс 4х2 м схемая.