“Ува” санаторий,

трос профильем, бальнеологической. Ува кар выллем посёлок дорын тымет дурын пужым ягын интыяськемын. 1987-тћ арын усьтэмын, 300 интылы чакламын. “Ува” с.-лэн улосвылаз минеральной вуэн кык уникальной ошмессин вань. “Увинская” нимо сульфатно-кальциево-натриевой минеральной ву хронической гастрит, мус, сэп, поджелудочной нёред но сюл висёнъёсты эмъянын кутћське. Сероводородной йодэн но бромен вуос рассолъёс сюлэм но вирсэръёс висьыку, артритъёс, сюрлылэн остеохондродэз, нервной сќзнэтлэн висёнъёсыз дыръя, суставъёс висьыку, кышномурт но ку висёнъёс дыръя кутћсько; озьы ик хронической тонзилит дыръя ньылонэз гылъян понна. Эмъяськыку пќртэм душъёс, массажъёс, эмъя физкультураэлектро- но иглопунктура, лазеротерапия, сюрлылэн остеохондрозэз дыръя кќс кыскон амал кутћсько. “Кќ углекислой ваннаос” нимо уникальной установка ужа, эмъяськон турынъёсын эмъян ужрадъёс, мануальной терапия, биополеез тупатон, гомеопатия амалэн эмъян ортчытъясько. Физиоотделенияз туала аппаратура бальнеоэмъянэз умой каре. “Ува” с.-ын пинь эмъянъя кабинетъёсыз но вань. Озьы ик диагностической кабинетъёс ужало. 1994-тћ арын “Ува” с.-ын выль эмъян амалъёс кутћськыны кутскизы – андрология но психотерапия.