Чорыг вордон

калык хозяйстволэн вуосын чорыглэсь лыдзэ будэтонэн но умоятонэн вырись отраслез (подотраслез). Удмуртилэн улосвылаз трос вуос вань ке но (Кам, Чупчи шуръёслэн бассейнзы, Вало, Иж, отчы усись шуръёс, Ижкарын, Воткинскын но Пудемын бадњым тыметъёс), чорыгез кутон тросгес любительской луэ, промысловой ќвќл, малы ке шуоно чорыглэсь лыдзэ будэтон но умоятон удысын нокыџе уж уг нуиськы. Элькунамы чорыг вордонлэн инъет базаез Воткинск ёросысь “Пихтовка” нимо рыбхоз луэ, кудћз 1974-тћ арысен Удмуртилэн калыкезлы чорыг ваньбур (продукция) – луло карп, толстолобик – сётэ. Рыбхозлэн (1995-тћ арез лыдэ басьтыса) 43 тыметэз (огъя быдњалазы 580 гектар, со пќлысь 103-ез пичи чорыгъёс понна, 375 гектарез – чорыгъёсты куайытон-будэтон понна) вань. Проектной быдњалаез – араз 500 тонна вузан понна чорыг но 3 млн. штука пичи чорыг сётон. Та лыдпусъёсты рыбхоз кемалась ортчиз ни. Элькунын озьы ик индустриальной амалэн чорыг вордон азинтћське. “Буммаш” АО-ын но “Сарапульской водоканал” муниципальной предприятиын азьло вуэз чылкыатон сооружениослэн инъетсы вылын чорыг вордонъя цехъёс ужало. Вузан понна чорыгез бассейнъёсын возё, кудъёсаз вуэз вошъяське, чылкытатћське, но кулэ ке, шунтћське но. Таџе технологиен ужаса, карпез вузан понна 5-6 толэзь џоже вутто ни. 1960-тћ арын Удмуртиын ар куспын 8 тонна вузан понна чорыг но 200 сюрс сеголетка водћськиз. 1995-тћ арын со лыдпусъёс трослы будћзы – 473 тонна вузан чорыг но 5,3 млн. штука сеголетка. 1991-тћ арын тужгес но трос вузан понна чорыг будэтэмын вал – 777 тонна. Удмуртия пичи чорыгъёсты бускель элькунъёслы но улосвылъёслы но сётэ.