Сивков Вадим Александрович

(вордћськемын 21-тћ куартолзе 1925-тћ арын Пермь улосвылысь Усолье карын – кулэмын 15-тћ южтолэзе 1944-тћ арын Украинаысь Николае улосвылысь Баштанской ёросысьтыз Явкино черкогуртын), Совето Союзлэн Героез (3-тћ инвожо толэзе 1944-тћ арын). Сарапул карын, Каракулино черкогуртын, Ижкарын улћз. Казаньысь танковой училищеысь љог (ускоренной) курсъёсты йылпумъяз (1943-тћ арын). Быдњым Отечественной ожгарын 1944-тћ арысен тулыспал толэзьысен. 3-тћ Украинской фронтысь 212-тћ нимысьтыз танковой полкысь танклэн командирез вал. С. Младшей лейтенант 14-тћ южтолэзе 1944-тћ арын уин танкеныз Явкино черкогуртэ пыриз, 100-лэсь трос тушмон солдатъёсты быдтћз, 12 БТР, 3 орудие пазьгиз, 50 повозкаез паньгатћз (лёгаз), уй-нунал џоже басьтэм позициоссэ утиз. 15-тћ южтолэзе 1944-тћ арын уин, тушмонлэсь азьлань мынонзэ (атаказэ) возьыса, танкъёслы пумит гудэм гуэ шедиз. Вань боеприпассэ ыбылэмез бере танклэн командирез С но рядовой радист П. Крестьянинов танксэс гранатаосын пуштытћзы. С. Ленинлэн орденэныз данъямын. Пырак азелы гвардейской танковой полкэн списоказ пыртэмын (15-тћ гудырикошкон толэзе 1962-тћ арын).
Лит-ра: Рылова-Соколовская М. А. История одного подвига: Документальная повесть. Танк № 17: Пьеса. Ижевск, 1996.