Синтаксис (грек syntax – кылдытон),

кылтодонлэн люкетэз, кудћз предложениосты но кылтэчетъёсы эскере. Удмурт кылын кылтэчетъёс пќртэм кусыпен герњаськыны быгато: примыкание, согласование, управление, координация, притяжительной но предикативной кусыпъёс. Предложенилэн ёзъёсын инъет (главной) но второстепенной луо. Нырысьёсыз – подлежащей но сказуемой, второстепеннойёсыз – дополнение (ватсан?), определение, обстоятельствоос. Огшоры (простой) предложениослэн типовой модельзы, ёзъёсызлэн интыяськемзыя, таџе луэ: подлежащей, обстоятельство, дополнение, сказуемой. Определение предложенилэсь котькуд ёзэтсэ валэктыны быгатэ, нош существительноен верамын ке, одно ик валэктоно кылыз азьын сылэ.
Огшоры предложениос: вќлскем но вќлскымтэ, полной но неполной, эллиптической,кылъёс-предложениос, односоставноесь но двусоставноесь. Сложной предложениос люкисько сложносочинённой, сложноподчинённой, союзтэм, прямой речен предложениослы. Сложноподчинённой предложениослэн парадигмаязы пыро придаточной изъяснительноен, определительноен, обстоятельственнойёсын сложноподчинённой преложениос. Придаточноез инъет люкетэныз союзъёсын но союзной кылъёсын герњаське.
Удмурт кылын синтаксислэн аспќртэмлыкез – туж трос пќртэм причастной, деепричастной но отглагольной оборотъёс вќлмемын. Тросаз учырёсын соос семантической но структурной синонимъёс кадь кутћсько (сложноподчинённой предложениослэн придаточной люкетъёсазы), соослэн асьсэлэн субъектэз луыны быгатэ. Сыџе оборотъёсты кылтодон литератураын абсолютной шуыса верало.