Сигаево,

черкогурт, Сарапул ёрослэн шорыз (1992-тћ арысен тулыспал толэзьысен). Каме усись Пичи Сарапулка шур дурын Сарапул карысен лымшор-љытшор пала 7 км кемын интыяськемын. Кар автобусэн Сарапулэн герњаське, С. пыр Сарапул–Каракулино автомобильной сюрес кошке. Улћсьёсыз – 5,3 сюрс адями (1995-тћ аръя). Калыкъёсыз – њучъёс (92,3 %-эз), удмуртъёс (4,3 %-эз), бигеръёс (2,1 %-эз), мукет калыкъёс (1,3 %-эз). С.-ын Камской ремзавод (электродвигательёсты, машинаосты тупатон; замок но гараж понна ќсъёс лэсьтон), “Спецлеспромхоз” предприятие (живица, серка еловая дасян, пулэсь пќртэм арбериос лэсьтон), “Удмуртнефть” огазеяськемлэн Сарапульской НГДУ-ез (мувќй поттон), Сарапульской лэсьтћськон комбинат, сюрес лэсьтонъя управление вань. Озьы шоро-куспо школа, Сарапульской колледж-совхоз, нылпиослы музыкальной школа, дышетскисьёслэн Творчествоя юртсы, нылпис но егитъёс физической дасяськонъя (подготовкая) клуб, юннатъёслэн станцизы, егит техникъёслэн станцизы; ёрос но нылпи книгавозённиос, 2 нылпи сад, поликлиника, Культура юрт ужало. Историлэн но монументальной искусстволэн быдэн синпельмет вань.