Сибире нуись тракт,

Россилэн быдэс шор улосвылтћз шунды пуксёнысен Санкт-Петербургысен џукшорозь Охотск карозь мынћсь сюрес. Историлэн 5 дауръем синпельметэз. Удмуртилэн улосвылтћз лымшор-љытшор палысен уйшор-џукшор палозь 217 км кыстћське. Сюресэз лэсьтћзы Pуч кунлэн Уралэ, Сибире но Дальней Востоке азьлань мынэмезъя. Нырысетћлюкетэз (этапез) – Быдњым Пермез ас бордаз карон (1472-тћ ар) но Ваткаез (1489-тћ ар) – Москва кун борды. Мукет люкетэз губерниос радъямен герњаськемын (Екатерина II-лэн 1775-тћ арын 7-тћ шуркынмонэ пуктэмезъя). Вань губерни центръёс губерни куспо значениен сюресъёсын герњамын вал. С. н. т.-лэн Ватка-Пермь ваез Удмуртилэн улосвылтћз Елово-Яр-Глазов-Балезино-Полом-Дебес улонниос (населённой пунктъёс), Казаньысен Пермёзь сюрес Ягул-Ирюк (Малмыж карлэсь уйпалангес интыяськемын) - Кильмезь-Сюмси-Селта-Игра-Зура-Дебес пыр кошкиз. Удмуртиетћ кык вай кошке вал: лымшор но уйпал. Сенатлэн 1783-тћ арын Санкт-Петербург но Ватка вискын трактовой кусып сярысь пуктэмез та мынэтэз (процессэз) йылпумъяз. 19-тћ даурлэн 80–90-тћ аръёсаз 2 вай озьы ик кылиз. Уйпалан – Санкт-Петербург –Вологодская, лымшорын – Москва–Казанская. Со вайёс Дебес черкогуртын огазеясько вал. 16-тћ даурын – 19-тћ даурлэн нырысетћ љыныяз С.н.т.-лэн кивалтэт, вузаськон но почта нуллон кулэлыкъёсыз всероссийской значениен вал. Кулэлыкез ќжытгес луиз соку гинэ, шуръёс кузя пароходъёс ветлыны кутскизы (19-тћ даурлэн 40-тћ аръёсыз) но чугун сюресъёс лэсьтэмын вал (19-тћ дуарлэн 70–80-тћ аръёсыз), кудъёсыз Россилэсь шор ёросъёссэ Сибирен герњазы. Калыкын та сюреслэн кќня ке нимъёсыз пумиське: “Быдњым кандало сюрес”, “кунлэн (государстволэн) сюресэз”, “Екатериналэн трактэз”. С. н. т. кузя арестовать карем ъёс ортчылћзы: политической заключённойёс, пегњем крепостной крестьянъёс, улоннизэс воштћсьёс. Соос пќлын А. Н. Радищев, декабристъёс, А. И. Герцен, Н. Г. Чернышевский но мукетъёсыз РОссиысь малпаськисьёс (мыслительёс) вал. А. Н. Радищев “Записки путешествия в Сибирь” книгаяз ортчем черкогуртъёс сярысь пичияк гожъямъёс кельтћз (Сюмси, Какси, Юбери, Юрук, Селта, Эгра, Зура, Дебес, Чепца, Pатча (Зятцы). Удмуртия пыр мынћсь-ветлћсьёс (путешественникъёс) ортчизы – Н. М. Прежевальский, П. П. Семёнов-Тян-Шанский, И. И. Лепёхин тодосчиос. 1824-тћ арын Александр I-тћ, Екатеринбургысь Ижевске мыныкуз, Дебес черкогуртэ С. Шубин черкужасьлэн (священниклэн) коркаяз но Якшур-Бодья черкогуртэ И. Герасимовлэн коркаяз дугдылћз. 1817-тћ арын Александр I-тћлэн нимысьтыз пуктэменыз почта сюресъёсъя выль правилоос юнматэмын вал: сюреслэн пасьталаез 60 м луыны кулэ, кудћз пќлысь 20-ез – валъёсын мынон-ветлон понна. Сюреслэн кыкнапалаз канаваослы но пыдын ветлћсьёсля инты кельтыны кулэ вал. Сюрес вќзысь гуртъёсысь котькуд крестьн хозяйство кќня ке кызьпу мерттыны но соосты будэтыны-вордыны кулэ вал. Со пуктэмъёсъя ик почтовой станциосын арестовать каремъёслы нуназе но уин дыр оортчытон понна этапъёс – нимысьтыз тюрьма выллем юртъеръёс – лэсьтыны чакламын вал. 19-тћ даурлэн кыкетћ љыныяз С. н. т. региональной значение кќня ке сюресъёслы люкиськиз. Волга но Урал вискысь люкетэз тужгес ик уже кутћське вал, кудћз Казанез Пермен но соослы матын сылћсь каръёсын герња вал. Удмурт улосвыл понна С. н. т.-лэн экономической значениез котьку но туж бадњым вал.