Сажин Михаил Петрович

(вордћськемын 17-тћ шуркынмон толэзе 1845-тћ арын Ижевской завод посёлокын – кулэмын 8-тћ толшор толэзе Горький карын), революционер-народник, 1958-тћ арын Петербургысь политехнической институтэ дышетскыны пыриз. Нелегально студенческой кружоклэн ужаз пыриськиз. Судлэн пуктэмезъя (прговорезъя), Вологодской губерние келямын вал, кытысь пегњиз но Америкае кошкиз. Арман Росс нимын пќртэм предприятиосын грузчик луыса ужаз. 1870-тћ арын Женева каре вуиз, кытын М. А. Бакунин нимо тодмо теоретикен пумиськиз. 1-тћ Интернационаллэн Юрской федерациезлэн составаз пыриз. Цюрих карын типография усьтћз. Революционной гожъямъёсты печатлаз но Россие келялляз. Парижской коммунае но пыриськиз. 1875-тћ арын Балканыын турк зћбет пумит Герцеговинской бугыръяськонэ пыриськиз. Мукет аре Россие лыктыкуз арестовать каремын но Петропавловской крепосте пытсамын вал. Иркутск губерниын Киренской округын ссылкаын вал. Мукет революционер-народникъёсын џош “Завещание” нимо кагазлэн улћяз гожтћськиз, кудаз со дырысь стройлэн кулэ луымтээез сярысь верамын вал. Со понна нош ик суд улэ шедиз. “193-лэн процессыя” (“Процесс 193-х”), кудћз 1878-тћ арлэн пумысеныз – 1879-тћ арлэн кутсконозяз кыстћськиз, Сибире 5 арлы каторгае келяны пуктэмын. Берпуметћ улон аръёссэ революционной ужлэсь палэнтћськиз. В. Г. Короленкоен эшлыко кусыпъёс возиз.
Ужъёсыз: Воспоминания. М., 1925.
Лит-ра: Фигнер В. Н. Очерки, статьи и речи. М., 1929; Вихарев Б. С. Арман Росс // Слово о земляках. Ижевск, 1965.