Сарапулысь радиозавод,

АОЗТ (1992-тћ арысен толсур толэзьысен), радиотехнической вузъёс лэсьтћсь предлриятие, Россия Федерациысь со выллем предприятиос пќлысь тужгес но бадњымез. 1970–80-тћ аръёсы куке предприятие тужгес но зол ужаз, ужасьёсызлэн лыдыз 9 сюрс адямилэсь трос вал, нош уж ќжыт дыръя, 1999-тћ арын – 3883 адями. Предприятилэн предшественникез – Петроградысь электротехнической завод, кудћз 1918-тћ арын Кронштадтысь «проводъёстэм телеграфирование понна приборъёс лэсьтонъя мастерскойёслэн» инъетсы вылын кылдытэмын вал. 1918-тћ арын завод Москвае азьло «Морзе» нимо телеграфной заводлэн интыяз выжтэмын вал, нимыз «Нырысетћ кун электротехнической завод» луиз. 1931-тћ арын предприятилы Г. К. Ордженикидзелэн нимыз сётэмын. Быдњым Отечественной ожгарлэн кутсконаз (1941-тћ арын шуркынмон толэзе) завод Сарапул каре эвакуировать каремын. Азинсконэзлэн инъет этапъёсыз: 1926-тћ ар – нырысь детекторной (П-6, П-7), берлогес ламповой (РПЛ-1, РПЛ-2, ЭИС-2) радиприёмникъёс лэсьтон понна реконструкция лэсьтон кутскемын. 1935-тћ арын поттын кутскемын СССР-ын нырысетћез сетевой индивидуальной приёмник (СИ-235), нош 1936-тћ арын заводын радиоаппаратура поттонъя СССР-ысь тужгес но бадњым лыд пуктэмын: котькуд 30 секунд конвеер вылысь дась приёмник потэ вал. 1937-тћ арын заводлэн продукциез качествозэ эскерон ужрадэз туж умой ортчиз Папанинлэн экспедициосаз, В. П. Чкаловлэн Уйпал полюсэ лобакуз но М. М. Громовлэн Москваысь США-е лобыкуз. 1942–45-тћ аръёсы завод фронтлэн кулэлыкъёсыз понна радиоаппаратура (танкъёс но аслобетъёс понна радиостанциос) лэсьтћз. 1945-тћ арын «Кама» нимо выж вылэ пуктон клубной радиолалэн нырысетћ экземляръёсыз поттэмын вал. 1946-тћ арын «Урал-46» радиоприёмниклэн конструкциез кылдытэмын. Со дырысен «Урал» семья приёмникъёс но радиолаос поттыны кутскемын, кудъёсыз вылћ качествоен висъяськизы («Урал-47», «Урал-52», «Урал-57»). 1957-тћ арын «Комета» нимо радиола поттыны кутскизы, кудаз СССР-ын нырысьсэ УКВ-диапазон кутэмын. 1961-тћ арын печатной платаос лэсьтыны дышизы, кудъёссэ берлогес заводэн лэсьтэм вузъёсын уже кутћзы. 1963-тћ арысен шаерамы нырысьсэ «Космос», «Рубин», «Орлёнок» туж пичиесь радиоприёмникъёс поттыны кутскизы. Берпуметћез инъет параметръёсызъя кунгож сьќрын лэсьтэм радиоприёмникъёслэсь вылћын вал но :ытпал кунъёсы туж умой вузаськиз. 1964-тћ арын СССР-ын нырысьсэ «Италмас» стереофонической радиола поттыны кутскизы. Ижкарын автозаводэз усьтэм бере предприятиын 1968-тћ арысен автомобильной радиоприёмникъёс лэсьтыны кутскизы, бергес – автомобильной магнитолаос. 90-тћ аръёслэн кутсконазы предприятие радиотелеаппаратура, банкъёс понна лыдњон техника лэсьтыны кутскиз. Трос тиражъем «Искра» нимо газет потэ. 1931-тћ арын Ленинлэн орденэныз, 1945-тћ арын Трудовой Горд Знамя орденэн данъямын, Брюссельысь Калыккуспо адњытонысь зарни медалез (1958-тћ арын) «Комета» радиола понна но «Шлюп» аварийно-спасательной радиостанция понна, ВДНХ-лэн 56 медалез (соос пќлысь 6-эз – зарни) вань. Удмурт Элькунын тодмо луэ предприятиысь умой ужасезлэн, РСФСР-ысь сћё-дано изобретательлэн А. К. Белшапцевлэн нимыз, кудћз трос выль техника кылдытћз. 1982-тћ арысен предприятиен А. М. Полусмак кивалтэ.