Сарапулысь кулэсь вузъёс но пыдкутчан лэсьтонъя огазеяськем (САРКОО),

АООТ, пыдкутчан (тросгес кулэсь) вуронъя специализированной предприятие. Ужасьёсызлэн лыдыз – 942 адями (1995-тћ арез лыдэ басьтыса). 20-тћ даурлэн кутскон азезлы Сарапул карын 16 куэз посонъя пичигес мастерскойёс но трос доразы пыдкутчан вурисьёс вал. Тверь губерниен џош Сарапул уезной кар Россиын традиционно лыдъяськиз пыдкутчан поттћсьёс пќлысь одћгез инъетэз инты. Татын нюретћ ветлон понна но армейской юфтевой сапегъёс, сандалиос но нылпиослы кулэсь туфлиос лэсьтћзы. 1894-тћ арын Пешехонов вузчи кык этажъем пыдкутчан вурон фабрика усьтћз. 1912-тћ ар азелы Сарапулын арскын 2 млн. куз пыдкутчан лэсьто вал. 20-тћ аръёслэн шор вадесозязы ку посон но пыдкутчан вурон карысь промышленностьлэн инъет отраслез вал. 1928-тћ арысен пыдкутчан вурон фабрикае машинной тћрлык пыртыны кутскизы. Соку выль пыдкутчан вурон фабрика лэсьтон сярысь пуктэт кутэмын. 1929-тћ арын куарусён толэзе йылпумъяськиз. Быдњым Отечественной ожгар дыръя Сарапулысь пыдкутчан вурисьёс фронтлэн кулэлыкъёсыз понна ужазы. 50–60-тћ аръёсы фабрикаын техника ласянь воштћськонъёс ортчизы: конвеер линиос кылдытэмын, пыдкутчанлэсь ёзъёссэ дасянъя машинаос радъямын, пќсь вулканизацие цех усьтэмын. 1971-тћ арын фабрика тужгес но трос пыдкутчан вуриз – 5,3 млн. куз. Экономикалэн воштћськеменыз фабрикалэн коллективез продукцизэ вылћ качествоен поттыны тыршиз, выль вузан интыос утчаз. Финляндиен џош кышномурт пыдкутчан поттонъя «Сарабелла» нимо огъя предприятие кылдытэмын. Пиосмуртъёслы хромовой но кроссовой текстильной пыдкутчан вуронъя 2 самостоятельной хозрасчётной подразделение усьтэмын.