Садаева Вероника Александровна

(вордћськемын 18-тћ толшор толэзе 1939-тћ арын УАССР-ысь Шаркан ёросысь Табань гуртын), удмурт актриса, УАССР-ысь (1967-тћ арын) но РСФСР-ысь (1980-тћ арын) сћё-дано артист, УАССР-ысь (1977-тћ арын) но РСФСР-ысь (1988-тћ арын) калык артист. 1961-тћ арын Ленинградысь А. Н. Островский нимо театральной институтэз йылпумъямез бере, Грозненской (1961–63-тћ аръёсы), Удмурт (1963–67-тћ аръёсы), Читинской (1967–68-тћ аръёсы), Ижкарысь В. Г. Короленко нимо Pуч (1968–69-тћ аръёсы), Сарапулысь кар (1969–70-тћ аръёсы) драмая тетръёсын ужаз. 1971-тћ арысен – Удмурт драмая театрысь актриса (1996-тћ арысен Удмурт Элькунысь Йќскалык театр нимаське). Студийной ужъёсаз ик со страстной но вылћ љутскемо шќдонъёс доры кыстћськиз. Солэн героиняосыз – мусоесь, жалясесь, капчи сќсыр луисесь но лулэнызы кужмоесь кышномуртъёс. Сыџе луэмзы соослы азьланяз улонзы понна инъет сётэ. Солэн творческой палитраяз вань отрицательной образъёс но, кудъёсызлы улон – со џемысь тросгес капыртон. Инъет рольёсыз: Грушенька (Н. С. Лесковлэн “Очарованнный странник” веросэзъя, И. Штоклэн “Грушенька” нимо пьесаезъя), Кашкина (А. Вампиловлэн “Прошлым летом в Чулимске” произведениезъя), Такъян (Е. Загребинлэн “Асьмелэн со одћг” произведениезъя), Анфиса Петровна (Ф. Абрамовлэн “Две зимы и три лета” произведениезъя), Евгения Мироновна (А. Н. Островскийлэн “На бойком месте” произведениезъя), Медея (Еврипидлэн, Сенекалэн но Ануйлэн сыџе ик нимын пьесазыя), Кручинина (А. Н. Островскийлэн “Без вины виноватые” произведениезъя). 1985-тћ арын С.-лэн нимыз УАССР-лэн Ужан данъя но героизмъя Сћё-дано Книгаяз пыртэмын.
Лит-ра: Ложкин В. В. Мастера Удмуртского театра. Ижевск, 1991.