Сад коркаос,

сад-бакчаосы пуктэм пичи гинэ юртъёс, кытын уло, шутэтско, емышсэс возё, ужан тћрлыксэс утё сад возисьёс. Соосты пукто пу коръёслэсь яке пулъёслэсь, висказы сюй яке љуй тырыса. Соосты трос пуктклћзы 80-90 аръёсы, куке музъем сётылћзы ваньмызлы мылкыд карисьёслы. Сад коркаосты промышленной амалэн дасяны кутскизы. Соосты поттылћз Какможысь ЛПХ, Кезысь «Русский лес» АО, Глазкарысь ТОО «ЮГБИЗ», «Удмуртлес» концерн, Воткакарысь но Шарканысь «Сельхозлес» предприятиос. Дунзы будэмен 90 аръёслэн пумазы басьтћсь ќжыт кылиз; 1990 арын 5858 корка дасямын вал ке, 1995 арын - 170 гинэ.