Сабакин Лев Фёдорович

(вордћськемын 1746-тћ арын Тверь губерниысь Старица карын – кулэмын 12-тћ гудырикошкон толэзе 1813-тћ арын Ижевской завод посёлокын), механик-изобретатель. 1805–13-тћ аръёсы А. Дерябинлэн ќтемезъя Ижевской но Воткинской заводъёсын служить кариз. Тћрлыкъёсты туж зол выльдћз, ки ужез машинаосын воштонын бадњым ужрадъёс лэсьтћз. Воткинской заводын Уралын нырысетћзэ чугун валокъёсын листокатальной стан но омыр пельтон гур лэсьтћз. Ижевской заводын пыџал гумыосты волятон понна шустовальной станок лэсьтћз, соин валче производительностез 16 поллы будэтћз. Эрико (вольной) экономической мерлэн ёзчиез. Святой Владимирлэн IV-тћ степенё орденэныз дынъямын.
Лит-ра: Загорский Ф. Н. Л. Ф. Сабакин – механик XVIII века. М.-Л., 1963; Козлов А. Г. Творцы науки и техники на Урале. XVII – начало XVIII вв. Свердловск, 1981; Воткинск: Летопись событий и фактов. Устинов, 1985.