Русских Пётр Егорович

(вордћськемын 12-тћ пќсьтолэзе 1921-тћ арын Глазов карын – кулэмын 23-тћ куартолэзе 1949-тћ арын Киров улосвылысь Омутнинск карын), Совето Союзлэн Героез (27-тћ инвожо толэзе 1945-тћ арын). 1936-тћ арысен Омутнинск карын улћз. Быдњым Отечественной ожгарын 1941-тћ арысен инвожо толэзьысен. Западной но 1-тћ Украинской фронтъёсын ожмаськиз. 3-тћ гвардейской армиысь 25-тћ танковой корпуслэн 111-тћ танковой бригадаысь Т-34 танклэн механикез-нуллћсез. Р. старшей сержант Германилэн улосвылаз ортчем ожмаськонъёсын ассэ кышкасьтэм но туж сэзь возьматћз. 1945-тћ арын тулыспал толэзе Наумбург кар понна ожъёсын танкъёслы пумит гудэм канаваез потыса, тушмонлэсь противотанковой артиллерийской батареязэ пазьгиз. Губен кар дорын ожын секыт контузить каремын вал, озьы ке но ож бусыез ќз кельты. Танклэн экипажез тушмонлэсь 9 ыбылон точказэ, 3 противотанковой орудизэ но трос солдатъёссэ быдтћз. Ожгар йылпумъяськем бере Омутнинск карын ик улћз но ужаз. Ленинлэн ордеднэныз, Горд Знамя орденэн, III-тћ степенё Слава орденэн но медальёсын данъямын.