Русских Харлампий Акимович

(вордћськемын 15-тћ куарусён толэзе 1915-тћ арын Удмурт Эльунысь туала Селта ёросысь Егоровцы гуртын – кулэмын 25-тћ толшор толэзе 1975-тћ арын Хабаровск карын), Совето Союзлэн Героез (23-тћ коньывуон толэзе 1943-тћ арын). 1938-тћ арын Хасан ты дорын ожъёсы пыриськиз. 1941-тћ арын командной составлэсь квалификацизэ љутонъя курсъёсын дышетскиз. Быдњым Отечественной ожгарын 1942-тћ арысен тулыспал толэзьысен. Юго-Западной, Донской, Степной, Воронежской, 1-тћ Украинской фронтъёсын ожмаськиз. 40-тћ армилэн 20-тћ нимысьтыз моторизованной понтонно-мостовой батальонысь взводлэн командирез Р. старшей лейтенант Сталинград понна оже, Курской дугаын ожъёсы пыриськиз, Днепр шурез выжон дыръя ассэ геройлыко возьматћз. 1943-тћ арын 23-тћ куарусён толэзе офицеръёс-понтонеръёс пќлысь нырысь ик десантэн џош Киев улосвылысь Козинцы черкогурт дорын шурлэн бур пал ярдураз выжиз, собере 10 уй-нунал (сутка) џоже тушмонлэн туж нап ыбылэмез улын шур вамен асьме танкъёсты но пехотаез выжтын юрттћз. 30-тћ пќсьтолэзе 1944-тћ арын Висла шурез выжиз. Мукет нуналаз секыт сќсыртэмын вал. Ожгар йылпумъяськем бере армиын служить каронзэ азьланьтћз. 1956-тћ арын Р. майор луыса запасэ келямын. Улћз но ужаз Кабаровск карын. Ленинлэн орденэныз, Горд Знамя орденэн, 2 Горд Кизили орденъёсын но медальёсын данъямын.