ПУНЫ (Canis lupus f familiaris ; зуч сямен собака домашняя), сьось лёгетысь пуны динь выжыысь йол нонись лулос. Кион выжыысь потэмын; адямиен бордаз дышетэмын асьме эралэсь ог 10 сюрс ар талэсь азьло, вылды. Али дунне вылын 400 выжылэсь трос. П. луэ: пойшуран, ужась, коркан улись. Азьло удмуртъёслэн пойшуран П.-зы лайкалы кельше вылэм (Шуринский-Шахматов (1896) вера вотяк (удмурт) лайкаос сярысь). Мукет П. выжыос удмурт музъем вылэ 19-ти дауре вуиллям, шодске. Удмурт элькунын вань питомникъёс (?), кытын вордо портэм выжыысь пойшуран но ужась П.-осты. Ужась П.-ос полысь чемгес вордо портэм овчаркаосты. Коркан улисьёсыз полысь берло дыре чем пумисько пудельёс, кэрри-блютерьеръёс, француз бульдогъёс, коккер-спаниельёс.