“Повесть о стране Вятской”,

Ватка провинциальной летописной литературалэн синпельметэз, тодмотэм авторен 17-тћ даурлэн пумаз (яке вазьгес) кылдытэмын но 18–19-тћ дауръёсысь 10 списокен кылемын. Нырысьсэ П. И. но Н. П. Рычковъёсын 1767-тћ но 1772-тћ аръёсы, собере А. Щекатовен 1801-тћ арын, В. И. Вештомовен 1808-тћ арын печатласа поттэмын. Тужгес но тодмо луиз Н. М. Карамзинлэн “История государства Российского” книгаез (Санкт-Петербургын, 1816-тћ арын) но М. И. Костомаровлэн «Севернорусские народонравства во времена удельно-вечевого уклада» (Санкт-Петербургын, 1863-тћ арын) книгаез потэм бере. Научной амалэн А. А. Спицын 1883-тћ арын но А. С. Верещагин 1905-тћ арын поттћзы.
«П. о. с. В.» синпельметын 4 люкетэз: 1-тћяз Словен, Рус но Гостомысл сярысь легендаез но «Хронографысь» (1679-тћ арын гожтэмын) асэстэм Новгород Великий сярысь историез вань; 2-тћ люкетэз Ватка музъемлэн 12–15-тћ дауръёсысь историезлы сћземын. Ватка музъемлэн кылдэмез 1181-тћ арын Улћ Камлэн улосвылысьтыз њуч карысь шор Ватка шуре 2 њуч отрядъёслэн кошкеменызы герњамын. Со карез 1174-тћ арын Новгородысь пегњем адямиос пуктћллям. Собере Хлынов карез пуктыны кутскон, общинаослэн одћг Ватка музъемем герњаськемзы, улћсьёсызлэн тушмонъёсын нюръяськемзы гожтэмын, нош точной дырыз пуктымтэ. Интыысь улћсьёсын – удмуртъёсын но поръёсын – лыктэм адямиослэн кусыпъёссы тушмонъёс куспын выллем шуыса гожтэмын. Гожтыку пќртэм ошмессинъёс кутэмын: преданиос, 15–17-тћ дауръёсысь тодмотэм синпельметъёс но авторлэн аслаз учкемъёсыз. 3-тћ люкетэз – «Повесть о явлении чудотворного образа Великорецкого» ужлэн вакчиятэм вариантэз. 4-тћ люкетаз 1383–1553-тћ аръёсысь 12 летописной статья пыртэмын, кудъёсыз њуч летописьёсысь басьтэмын.
«П. о с. В.» книгалэн нырысетћосыз поттћсьёсыз солэн пуштросэзлы оскыса улћзы, куд-ог дырен герњаськем янгышъёссэ гинэ тупатъязы. Со дырысен тросэз историкъёс та книгаез достоверной, шонер источникен лыдъязы (М. П. Погодин, Д. И. Иловайский, С. М. Соловьёв, В. О. Ключевский но мукетъёсыз). Нош мукетъёсыз эскерисьёс – А. А. Спицын, А. С. Верещагин «П. о с. В.» книгаез критиковать каризы, соос учыръёсты гожъямысь трос гинэ янгышъёссэ шедьтћзы, куд-ог иворъёслэсь легендарной но доказать каронтэм луэмзы сярысь гожтћзы, соин ик сое оскымон ошмессинэн ќз лыдъялэ. Тодосчиос пќлысь люкетэз берпуметћосыныз соглаш кариськизы (М. М. Богословский, Д. К. Зеленин, С. Ф. Платонов, А. В. Эммаусский). Мукетъёсыз со книгаысь умой интыоссэ шедьтылћзы (И. Н. Смирнов, А. И. Соболевский, П. Н. Луппов, В. В. Низов). Ватка музъем вылысь вашкала њуч археологи синпельметъёсын копаськонъёс книгаын гожтэм куд-огъёссэ учыръёссэ юнматћзы.
Лит-ра: Спицын А. А. Свод летописных известий о Вятском крае // КВГ на 1884 г. Вятка, 1883; кыкетћез поттэмез – Киров, 1993; Повесть о стране Вятской // Труды ВУАК. Вып. 3. Вятка, 1905; Луппов П. Н. К вопросу о происхождении «Повести о стране Вятской» // Записки УдНИИ. Вып. 12. Ижевск, 1949; Макаров Л. Д. Литературные и летописные произведения Вятской земли XVI – XVIII вв. как исторический источник // История, историография и источниковедение Удмуртии. Ижевск, 1992.