Пончак- Петрова Евгения Максимовна (1932 - 1992)

Ворд ӥ ськиз 7 гудырикошконэ 1932 арын Китайын (Шанхай) крезьгурчиослэн семьяазы; кул ӥ з Ижкарын 1 куарусёнэ 1992 арын.

1947 арын семьяысьтызы куд-огез Советской Союзэ келямын вал. Война бере дас вить аресъем нылаш анаезтэк но атаезтэк Ижкаре ш ӧ де, дышетскыны ветлэ ӝ ыт школае но зол-зол басьт ӥ ське ӟ уч кыл борды. Крезьгурез умой тодэмез луонлык сётэ та удысъя дышетсконзэ азинтыны. 1948-1955 аръёсы дышетске Ижкарысь крезьгуръя училищеын, дирижёрско-хоровой ёзэтаз. дышет ӥ сьёсыз вал М. С. Емшанова но Е. К. Мохнаткин (хоръя дирижёр), М. В. Лифшиц (кыр ӟ ан), П. И. Кац (сольфеджио), Н. М. Греховодов (крезьгурлэн теориез).

Училищеез йылпумъямез бере Е. М. Пончак-Петрова крезьгуръя дышет ӥ сь луыса ужаз карысь п ӧ ртэм школаосын, кивалт ӥ з хоровой коллективъёсын. 1966 арын со йылпумъяз Глазовысь дышет ӥ сьёсты дасян кун институтысь "крезьгур но кыр ӟ ан" ёзэтсэ. Та дыр ӵ оже Е. М. Пончак-Петрова трос ужа, кыдало солэн быгатонлыкъёсыз, тодонъёсыз. Ваньзэ тае лыдэ басьтыса, Е. М. Пончак-Петроваез ужаны ӧ тё УАССР-ысь крезьгуръя кун театре, 1971-1979 аръёсы - театрлэн валт ӥ сь хормейстерез. Аслаз Евгения Максимовналэн вал кужмо но чебер куараез - тембр меццо-сопрано.

1980-т ӥ аръёсы Е. М. Пончак-Петрова дышетон уж бордаз берытске, трос ужа нылпиосын, й ӧ скалык но дунне крезьгур культураез калык доры вуттэ.

РСФСР-лэн калыкез дышетонъя Министерствоезлэн косэмезъя 1985 арын солы "дышет ӥ сь-методист" дано ним сётэмын. Егитъёсын умой ужамез понна п ӧ ртэм дипломъёсын но грамотаосын пусйылэмын. Ас б ӧ рсяз Евгения Максимовна трос визьмо но быгат ӥ сь дышетскисьёссэ кельт ӥ з.

ИЖКАР (зуч сямен Ижевск, Иж шуръя нимамын) Удмурт Элькунлэн шоркарез, кивалтонъя, экономикая но лулчеберетъя центрез. И. элькунлэн шор ёросаз интыяськемын, Вятка но Кам шурвискын (междуречье), Жытпал Предуральеын. Интыяськонэз: 56 50 с.ш. но 53 10 в.д. Толшоре шор температура –14,1 С, посьтолезе – +18,7. Ар чоже зор-лымылэн жуждалаез шорлыдын 508 мм люкаське. И.-лэн быдзалаез 309,9 км2. Карын 5 административной ёрос: Ленин, Октябрь, Первомай (куиньзы ик 1961-ти арысен), Индустри (1963) но Устинов (1987). 1937-ти арын кылдытэмын вал Азинлэн, Ждановлэн, Пастуховлэн нимъёссыя кылдытэм ёросъёс, но 1960-ти арын соос быдтэмын.

И.-ын 654,5 адями (1998) улэ, берло «чотамъя» -- ????? (2002). 1926-ти арын вал 62,2 сюрс, 1959-ти арын – 285,3 сюрс, 1970-ти арын – 422,2 сюрс, 1989-ти арын – 634,7 сюрс адями. Уло 30-лэсь ятыр йоскалыкъёс (нациос): 69,4% зучъёс, 17,2 удмуртъёс, 9,6 бигеръёс, 3,8% мукетъёсыз. 13 муртлы сётэмын дано ним «Ижкарлэн сиё-дано кунмуртэз» («Почетный гражданин г. Ижевска»), соос полын Е.В. Черных, М.Т. Калашников, В.М. Белобородов, А.И. Перевощикова, М.Е. Зыков, А.В. Мамонтов, Г.А. Кулакова, Е.Г. Одиянков, Н.А. Ушаков но мукетъёсыз.

Ижкар 1760-ти арын 10 апреле кылдытэмын – Гороблагодат заводъёслэн кузёенызы П.И. Шувалов графен. 20.10.1757-ти арын Сенатлэн укаэзъя Иж шур вылын корт дурон завод кылдытоно шуыса ялэмын вал. Лэсьтиськон ужъёсы Гороблагодат заводъёсысь мастеровойёсты ваизы, артэ гуртъёсысь крестьянъёсты кыскизы, Шуваловлы «гожтизы». Огъя лэсьтиськонэн А.С. Москвин кивалтиз. Одиг вакытэ ик чыпет, лэсьтиськон корпусъёс но улон юртъеръёс лэсьтиськизы. Иж шур сопалан (али отын ТЭЦ) ужасьёслэн коркаоссы, нош шурлэн паллян пал ярдураз, чыпет пумитын, завод кузёлэн юртъерез жутэмын вал. Озьы кылдиз посёлок, кудизлы берло Иж завод ним сётизы, со Казань губернилэн Хлынов уездаз пыриз, 1780-ти арысен – Сарапул уездлэн Вятской наместничествояз, 1820-ти арысен – Сарапул уездлэн Вятской губернияз.

Завод 1763-ти арысен ик ужаны кутскиз, лэсьтэмын вал кричной корт. 1763-ти арысен Иж но Вотка заводъёс казнае басьтэмын но Берг-коллегилы гурезь ужъёсъя ведомстволы гожтэмын. Заводын поттэм продукция казнае но кунгожсьор вузкаронэ кошке вал. И.-ысь корт Тулаысь, Петербургысь, Брянскысь, Варшаваысь арсеналъёсы мыниз, озьы ик Сьод Зарезья адмиралтействое. Ижкаре чугун ваё вал Гороблагодат заводъёсысь Гольян присаньысен – валъёсын (гужевой транспорт). Пу эгырез матысь интыосын дасяло вал.

Лэсьтиськон удыс оръяськемен, ужасьёслэн лыдзы но йылиз, посёлок но бадзымаз. Пу черк жутскиз. 1764-ти арын И.-ын 56 корка вал ке, кык ар ортчыса 130 луиз. Но 1774-ти арын Е.Пугачевлэн ожчиосыз заводэз куашкатизы, черкез сутизы, завод кузёосты виылизы. Завод вылысь жужаны кутске Александр 1 эксэйлэн 1807-ти арысь указэз бере, А.Ф. Дерябинлэн кивалтэмез улсын татын 50-70 сюрс пычал-тирлык поттыны чакламын вал. Та аре ик завод но кылдиз, шуыны луоз, кунгож сьорысь отемын вал трос онерчиос, пычал-тирлык лэсьтонъя усточиос: бельгиецъёс, французъёс, немецъёс. Заводлэсь ужзэ радъян понна, 4866 рекрут-солдатъёсты кыскизы, ёросысь 54 гуртъёсты но черко гуртъёсты завод борды юнматизы. 1814-ти арын татын поттэмын вал 10 сюрс пычал но 2,5 сюрс тесак. 1873-ти арысен заводын андан кисьтон радъяське, нырысь паровой машина ужаны кутске.

И. 1807-ти арысен быдэсак ожгар удысэн герзаськемын шуыны луэ. Татын поттэм ожгар пычалъёс, пойшуран пычалъёс быдэс дуннеын тодмо луо. Парижысь Адзытонын (1867) соос азвесь медален пусъемын, Екатеринбургын (1887) – бадзым зарни медален, 1889-ти арын Парижын – зарни медален.

Радъяськон вылтусызъя Ижкар – урал манеръем тыметэн город. Нырысети архитекторез – С.Е. Дудин, дано зодчийлэн А.Д. Захаровлэн дышетскисез. 1808 – 15-ти аръёсы шор корпус лэсьтэмын, собере Арсенал (али Йоскалык Музей), Троича черк, А.Д. Захаровлэн проектэзъя – Александро-Невской собор (1820—23). 1867-ти арын Ижкар черкогурт чотын вал, со висъяськиз кыклы – «шур сопал» (зарека) но «выллапал» (нагорная) люкетъёслы.

Экономика ласянь И. юнма 1890-ти аръёсы, куке татын «трехлинейкаос» поттыны кутско. 1905-ти арын заводын 9,5 сюрс рабочий ужаз, Нырысети дунне ожгар кутскем бере – 18 сюрс. Октябрь революция мастеровойёслэсь но рабочийёслэсь улон-вылонзэс котыр ласянь зуркатиз, соин ик 1918-ти арын татын большевикъёслы пумит бадзым жутскон вал, кыстиськиз со 90 нунал (8-ти гудырикошконысен 7-ти коньывуонозь). Сюрсэн-сюрсэн ижевчиос сямьяосынызы кошкизы но кунгож сьоръёсы сюризы (Китае, Японие, США-е). 21.02. 1918 Иж завод Ижевск город шуыса ялэмын вал, катъёсъя юнматэмын 1925-ти арын. 1921-ти арысен И. – Удмурт автономной областьлэн административной центрез, 1934-ти арысен – Удмурт АССР-лэн шоркарез, 1991-ти арысен – Удмурт Элькунлэн шоркарез. Москвалэн чолтэмезъя, 27.12. 1984 И. город Устинов шуыса нимамын вал, но калыклэн куремезъя 19.06. 1987 азьвыл нимыз берыктэмын.

И. – кужмо индустри центр, татын 49 бадзым промышленной предприятие. Урал улосвылын со азьмынись интыос басьтисьёсыз полын луэ. Тужгес но азинскемын машиналэсьтон, металлургия, приборлэсьтон. 1929-ти арын выль мартен пуктэмын, 1934-ти арын ТЭЦ-1. 1930-ти арысен токарной винтвандон станокъёс, нош 1932-ти арысен мотоциклъёс лэсьтиськыны кутско. «Ижмаш», «Механик завод», «Ижсталь» асьме шаерын гинэ овол, кунгож сьорын но тодмо луо. Бумага лэсьтон удысын «Буммаш» висъяське, солэн поттэм оборудованиез Болгариын, Франциын, Чехиын, Словакиын, Польшаын, Китайын кутиське. «Аксион» мотозаводын Быдзым атыкай ожгарлэсь азьло мотоциклъёс лэсьтон радъямын вал, война дыръя со «максим» пулеметъёс вылэ выжиз, 1950-ти арысен – герзаськонъя секыт сознэтъёс борды, соос полын – инсьорен герзаськонъя мувыл станциос, кассетаен магнитофонъёс, эмъянъя аппаратура но мукет. АО «Иж радиозавод» ожгар удысысь радиоаппарутура лэсьтэ, кудиз инсьор эскерноъёсын но кутиське. Ини кемалась кусыпъёс тупатэмын США-ысь «Моторола» компаниен. АООТ «Редуктор» тодмо луэ пинё цилиндрической редукторъёсыныз, нош АООТ «Купол» -- ?

1980-90-ти аръёсы выль карёросъёс (микроройонъёс) жутскизы: Буммаш, Автозавод, Нефтемаш, Александров, улон ёросъёс Север, Восточный, Аэропорт но мукет, соос оглом чакламын 80-100 сюрс улисьлы. Азинскемын нюлэс промышленность. Диськут вуронъя умой данъясько вуриськон фабрика «Зангари», АО «Сактон». И.-ын потто «Тазалык», «Ново-Ижевский», «Ошмес» минерало ву, сур поттэ АО «Гамбринус».

И. – трос портэм транспортлэн шор герзетэз, уката но чугун сюресъёсыныз. Нырысь чугун сюрес татчы 1916-ти арын вуиз (Агрыз – Ижевск – Воткинск). И.-сен Казане, Москвае, Уфае, Кирове, С.-Петербурге, Екатеринбурге мечак мыныны луэ. Гужем вакытэ И.-е нуналлы быдэ 52 портэм состав дугдылэ. 05.07.1934 арысен авиарейсъёс усьтэмын. Кык автовокзал – Шор но Лымшор. Автотранспорт (ИПОПАТ) 90 портэм маршрутъя И.- лэсь портэм интыоссэ герза. 1996-ти арын автобусъёслэн 29 кар маршрутсы 273,3 иськем кылдытиз. Трамвай ветлыны кутскиз 06.11.1935 арысен, соку 5 иськем сюрести 5 вагон ветлиз. Али 13 портэм маршрутэн трамвай сюресъёс 75,5 иськем (1996) кылдыто. Нырысь троллейбус И.-ын 07.11. 1968 арысен ветлыны кутскиз. 1996-ти арын 12 портэм троллебус маршрут 104,2 иськем кылдытиз. Телефон кусыпъёс И.-ын 1871-ти арысен радъямын вал. 1996-ти арын 170 сюрс телефон номер ужаз, котькуд 100 ижевчилы – 23.

И. – наукая но культурая азьмынись центр. 96 шор-ёзо дышетон школаос (1996), 10 специальностья шор дышетсконниос, трос портэм техникумъёс но колледжъёс. И.-ын 5 выли дышетсконъя вуз: УдГУ (1972, УГПИ-лэн инъетаз), ИжГТУ (1992, ИМИ-лэн инъетаз), ИжГСХА (1995, ИжСХИ-лэн инъетаз), ИГМА (1995, ИГМИ-лэн инъетаз), МВЕУ (1995). Наука удысын эскеронъёс нуэ УИИЯЛ УрО РАН – РАН-лэн Уральской люкетаз пырись Удмурт историяя, кылъя но литературая институтэз, РАН-лэн Уральской люкетаз пырись Экономикая институт но Физико-технической институт, портэм удысъёсъя НИИ-ос но конструктор бюроос.

И.-ын 5 кар но 6 нылпи эмъяськонни, 4 эмъясьнонни – элькун кужымъем. «Жог юрттэтъя» станциын 170 врач, 47 бригада, кудиз уй-нунал ужа. Спорт удысын тужгес но волмемын капчи атлетика, куасэн бызьылон, волейбол, уян, биатлон, мотоспорт. И.-ын 103 спортзал, 5 стадион, Спортъя дворец. 19 уян бассейн. Карын быдэс дуннелы тодмо луэм спортсменъёс уло: куасэн бызьылисьёс Г. Кулакова, Т. Тихонова, биатлонистъёс В. Медведцев, Г. Буранов, шашист А. Чижов.

Городын 72 книгакуа (библиотека), соос полын Удмурт Йоскалык Библиотека, кудизлэн фондаз 1 млн. пала книга, 800 сюрс пала журнал, 90 нимъем газетъёс, портэм слайдъёс, плакатъёс, крезьгур гожъямъёс. Отчы 34 сюрс лыдзиськись гожтиськемын.