Плетнёв Пётр Иванович

(вордћськемын 12-тћ толшор толэзе 1911-тћ арын Удмурт Элькунысь туала Селта ёросысь Мокроусово гуртын – кулэмын 24-тћ куартолэзе 1956-тћ арын отын ик), Слава орденлэн быдэсак кавалерез. Быдњым Отечественной ожгарын 1942-тћ арысен. Сержант, миномётчик, Белоруссилэн но Германилэн улосвылъёсаз ожъёсын ассэ туж геройлыко возьматћз. Полесскойулосвылын тушмонлэсь обороназэ пась карыку, 24–27-тћ инвожое 1944-тћ арын, миномётэн ыбылыса, тушмонлэсь 3 огневой точказэ, миномётной батареязэ но дзотсэ пазьгиз. 3-тћ степенё Слава орденэн данъямын вал. Восточной Пруссиын тушмонлэсь обороназэ пась карыку, 1945-тћ арын толшор толэзе, тушмонлэсь 2 миномётной батареязэ, 2 пулемёт ыбылон интызэ, противотанковой орудизэ пазьгиз но 30-лэсь трос фашистъёсты быдтћз. 2-тћ степенё Слава орденэн данъямын. 1945-тћ арын 4-тћ куартолэзе нош 2-тћ степенё Слава орденэн данъямын тушмонлэсь огневой точкаоссэ пазьгемез но трос луло кужымзэ быдтэмез понна Восточной Пруссиын 1945-тћ арын 13–16-тћ южтолэзе ортчем ожъёсын. 1945-тћ арын шуркынмон толэзе дораз берытскиз. 19-тћ гудырикошкон толэзе 1955-тћ арын СССР-ысь Вылћ Кенешлэн Президиумезлэн пуктэменыз выльысь данъямын. Кыкетћ 2-тћ степенё Слава орден интые 1-тћ степенёез сётэмын. Озьы ик трос медальёсын пусъемын. Ожгар бырем бере вордскем гуртаз улћз но ужаз.