Первобытнообщинной радлык (строй)

Урал котыре нырысетb адямиос бер палеолит вакытэ – вашкала из даурын (асьме вакытлэсь азьло 40–10 сюрс ар) вуизы. Со дыре Кам но Ватка шуръёс вискын ледник дорысь нюлэсо нёжал интыос вал. Татын мамонтъёс, гоно носорогъёс, уйпал пужейёс но гу гондыръёс улbзы. Удмуртилэн улосвылысьтыз со вакытысь археологи синпельметъёс jвjл на шедьтэмын. Нош удмурт шаерлы матысь улосъёсын соос вань: Чусовская шур дорысь Островской сылонни (стоянка), Владимир кар вjзысь Сунгирь, Печора шур дорын Бызовая сылонни. Островской сылонниысь куинь улонниослэн кылемъёссы шедьтэмын. Тылскон инты дорысь из плитаос но мамонт лыос, кjня ке сюрс пjртэм изъёслэсь лэсьтэм шибоды шиос, вень но кык бусинка шедьтэмын. 1959-тb арын Белая шурлэн вылb бызёназ Карповой пещераын мамонтъёслэн, валъёслэн но гоно носорогъёслэн горд буёлэн лэсьтэм суредъёссы шараямын. Та выллем суредъёс Франциысь пещераосын но шедьтылэмын. Бер палеолит вакытысь Уралын улbсьёс пjйшуранэн но октbськонэн (собирательство) выризы.
Адямиослы Уралэ вуыны кык сюрес вал: лымшор но љытшор вискысь Pуч нёжал (Русская равнина), Волга но Кам кузя яке Шор Азиысь лымшор Уралэ.
Уралын улbсьёс пjртэм калкъёсын (европейской, сибирской но азиатской) кусып возизы. Соин ик аспjртэмлыко урал тип кылдbз – jжыт монголоидной типен сурам европеидной. Бер палеолит вакытэ урал калык огъялыклэн аслыз гинэ тупась аспjртэмлыкъёсыз кылдbзы.
Мезолит вакыт – шор из даурын (асьме вакытлэсь азьло 8–5 сюрс ар) куазь шунытгес луиз. Со вакытэн џошатоно ке, Удмуртиысь туала гужем 1,5–2°С-лы кезьытгес луэ. Кам но Ватка шуръёс вискын паськыт куаро писпуо нюлэсъёс будbзы. Бадpым лулосъёс шоро-куспоосыныз но пичиосыныз воштbськизы. Адямиос пукыџъёсын пjйшураны дышизы, пулэсь но лылэсь пjртэм тbрлыкъёс лэсьтbзы. Котькытын тbрлык трос люкетлэсь лэсьтэмын вал. Бадpым инты озьы ик октbськон басьтbз, чорыган каллен вjлмиз. Баринка 1 синпельметысь койык, пужей, косуля, кырпарсь, мый лыос шедьтэмын. Урал адямиос шуръёс кузя лэсьтэм гуџинъёсын улbзы. Љыныё сюе лэсьтэм улонниоссылэн быдpалазы 25–40 м2 вал. Палеолит вакытэн џошатыса, (огазеяськемъёс) коллективъёс пичиесьгес вал.
Неолит вакытысь – выль из даурысь (асьме вакытлэсь азьло 5-тb – 3-тb сюрс арлэн кутсконэз) Кам но Ватка шуръёс вискысь кема но вакчи дыр џоже улэм гуџинъёс тодмо луо. 20-лэсь тос улонниос эскеремын. Соос азьло сямен љыныё сюе лэсьтэмын, вылтbз коръёсын яке куосын шобыртэмын. Родовой гуџинлэн шораз (Моторки 2, Чумойтло 1) џемысь бадpым улонни (быдpалаез 120–200 м2) пуктэмын луэ, вjзаз 3, 4 пиосызгес (быдpалазы 25–40 м2) улонниос но сиён-юон возён гутёос. Ужан тbрлыкъёс лэсьтонын пурыс но џуж из-кремень кутbськиз. Куд-огез тbрлык трос пjртэм ужъёсын кутbське вал: пуньы лэсьтон пуртъёс, вандbсь но вjлbсь изъёс. Љоген адямиос горд сюйлэсь тусьты-пуньы лэсьтыны дышизы. Соос љыны курегпуз кjмлы кельшо вал, борддоръёссы зjкесь, пjртэм пужыен чеберъямын. Пушнер но пыш куиськон ужын кутbськиз. Адямиос пjйшуразы, чорыгазы, октbськизы. Соослы куасъёс, дjдьы но пыж тодмо вал ни. Чорыгез калтонэн, гарпунэн но визнанэн кутылbзы. Та вакытэ ик урал калык кыклы люкиськыны кутскиз – самоди (џукшор) но финно-угор (љытшор). Соос Урал гурезьёслэн пjртэм палъёсаз интыяськизы.
Энеолит вакытэ – ыргон-из даурын (асьме вакытлэсь азьло 23–16-тb дауръёс) адямиос ыргон арбериос лэсьтыны дышизы. Ыргонэз поттонлы но џыжатонлы, пожо-живот вордонлы кадь ик, Кам котырысь калык фатьян (балто-славяно-германской калык) но абашев (индоиранецъёс, ариецъёс) люкаськемъёсын кусып возьыса дышизы. Ыргонэз кутон ваньбур поттонэз вылbе љутbз. Пjйшуран (пужей, койык, косуля, кырпарсь, лудкеч, гондыр, кион, мый, нарды но коньы вылэ) но октbськон (кыр тысё будосъёс, мульы, кидыс, выжыос, губи, куалемъёс) азьланьтbськизы. Тужгес ик бадpым инты хозяйствоазы сетен чорыган басьтэ вылэм – улонниосын трос чорыг сьjм но лы, озьы ик излэсь лэсьтэм выйтонъёс (грузило), чорыглэсь пушсэ поттон из пуртъёс шедьтэмын. Улонни лэсьтон но умойгес радъяськиз – пулэсь ваньбур лэсьтон тbрлык тросгес луиз, адямиос бадpымесь но шунытэсь улонниос лэсьтыны дышизы. Улонниос ог-огенызы липем ветлонниосын (коридор, переход) герpаськылbзы. Улонниоссы вjзы запас возён лабасъёс лэсьтылbзы. Пjйшуран но чорыган вылb уровене потэмен, ваньбур поттон будэмен, калыкъёслэн лыдзы будыны кутскиз. Одbг гуџинын 400 пала адями улbз, 20 пала улонниос вал. Удмуртиысь но вjзысьтыз улосъёсысь куинь лулчеберетъёсысь (новоильинской, гаринской но юртиковской) синпельметъёс шедьтэмын. Ваньмызлэсь азьлоез – новоильинской – неолит вакытэ интыысь но љытшор палась лулчеберетъёсын сураськыса кылдэмын. Та сураськем лулчеберетъёс вылын Кам котырын гаринской но Ваткаын юртиковской лулчеберетъёс кылдbзы. Кам котырысь энеолит вакыт волосовской лулчеберетлэн археологи синпельметэзлы матын луэ.
Ыргон вакыт (асьме вакытлэсь азьло 16–9-тb дауръёс) дыръя ужан но ож тbрлык лэсьтон понна ыргон кутbськиз ни. Солэсь лэсьтэм арбериос трослы чурытэсьгес, юнэсьгес но умоесьгес вал. Ыргон поттон но џыжатон интыос jжыт луэмен, из но трос кутbськиз на. Излэсь арбериос лэсьтон туж вылb уровеньын луиз. Огъя Евразиез басьтыса, Уралын тужгес но вазьгес металлургия кылдbз. Пудо-живот вордон но ю-нянь будэтон азинскизы. Удмурт Прикамьеын сураськем трос отрасльёсын хозяйство кылдbз (пудо-живот вордон но ю-нянь будэтон, чорыган, пjйшуран но октbськон). Ужез одbг адямиен быдэстон но ваньбур поттонлэн будэмез коллективной родовой огъялыкез куаккатон калэ вуттbзы. Ыргон вакытлэн пумаз родовой огазеяськемъёс люкиськыны, висъяськыны кутскизы, родъёсысь узыр адямиос висъяськизы, матриархальной кусыпъёс каллен патриархальное выжыны кутскизы.
Бронза вакытэ Кам котырын озьы ик финно-угор огазеяськемъёс уло, кудъёсыз асьсэ бере туж аспjртэмлыко синпельметъёс кельтbзы. А. Х. Халиков соосты огъяз Казань котырысь лулчеберетэн, мукетъёсыз Удмурт Прикамьеысь археологи синпельметъёсты луговской лулчеберетэн огъяло, нош Шор Прикамьеысь – ерозозовской лулчеберетэн.
Белая шурлэн бассейнэз курмантау лулчеберетэ пыре, шуо. Асьме вакытлэсь азьло 16–15-тb дауръёсы Сибирысь Алтай но Прибайкалье котырысь трос калыкъёс сейминско-турбинской переселение дыръя Европае кjчизы. Улоннизэс воштыку со калыкъёс туж аспjртэмлыко тbрлыкъёс кельтbзы – тbръёс, шибоды шиос, пуртъёс, чеканъёс, кудъёсыз та интыын улbсьёслы тросэз тодмотэмесь вал. Лыктэм ожчиос-вал возисьёс трос пjртэм котъёслэсь суретъёс лэсьтыны валало но выль технологиос тодо вал. Финно-угор калыкъёс, соосын кусып возьыса, улонысьтызы вань удысъёссэс трослы азьланьтbзы. Озьы ик кусып индоиранской срубно-андроновской дуннеен (Урал гурезьёслэн кыкнапалаз степьёсын но нюлэсо степьёсын улbсь калыкъёсын) возиськиз. Пудо-живот вордон но ю-нянь будэтон удысъёсын кутbськись иноиндоиран асэстэмъёс кылъёс финно-угор кылъёсы та вакытэ пыризы, луоз.
Вазь корт вакытэ (асьме вакытлэсь азьло 8–5-тb дауръёс) Кам котырын улbсьёс ваньбур но тbрлык кортлэсь лэсьтыны кутскизы. Корт нюръёсын пумиськись рудалэсь поттbзы. Нырысь-валысь кортэз поттонэз но лэсьтонэз финно-угоръёс иран калыкъёслэсь дышетскизы (корт кыл финно-угор кылъёсын иран кылъёсысь асэстэмын). Кортлэсь ожгар но ужан тbрлык лэсьтон бадpым пайда ваиз: тросгес нюлэсэз кораса ю-нянь будэтонлы бадpым интыос мозмытскизы, музъемез умойгес обработать карон басьтонлэсь (урожайлэсь) быдpалазэ будэтbз. Та вакытлэн пумаз выль ожгар тbрлык потbз: кузь мечъёс, ожгар тbръёс, кульчоослэсь лэсьтэм дэремъёс, шлемъёс но панцирьёс. Улонзэс но узырлыксэс тушмонлэсь утён понна асьме вакытлэсь азьло 6-тb даурын каръёс, городищеос лэсьтbськыны кутскизы. Со – аспjртэмлыко љужыт выръёсын но котырак мур гуосын котыртэм бадpымесь гуртъёс. Адямиос коръёслэсь лэсьтэм улонниосын (коркаосын) улbзы. Быдpалазы 60–70 м2 пала вал. Кулэмъёсты шайвылэ ватыны кутскизы. Шjй сутон обряд но џемысь лэсьтbське вал. Скифъёсын но сармантъёсын кусып воземен, Кам котыре соослэн ожгар тbрлыкъёссы џем вуылbзы. Озьы ке но, татын улbсьёслы асьсэ дорын лэсьтэм вакчи шибоды но кельт тbр кельшегес вылэм. Мер люкаськемъёс но вождьёс люкиськыны кутскизы. Шайвылъёсын излэсь лэсьтэм љужыт стеллаос пумисько. Галаново черкогурт вjзын аспjртэмлыко тbр-секир шедьтэмын. Со оbгезлэн ожгар вождьлэн арбериез вылэм. Тbр-секир усьтэм ымын кионлэн йырыныз но со вылын пукись сьjсь тылобурдоен – кучыранэн чеберъямын (учкы Галановской тbр-секир).
Вазь корт вакытын Прикамьеын ананьино культурно-исторической огъялык вjлмемын вал (учке Ананьино культура). Со перм калыкъёслэн џыжы-выжыоссылэн – удмуртъёслэн, коми-пермякъёслэн но коми-зырянъёслэн лулчеберетсы вал. Со лулчеберет бронза вакытысь интыысь культураос вылын кылдbз. Ананьино лулчеберетысь ваньбур (кельтъёс, шибоды шиос, теслоос, пуртъёс, чеберъяськонъёс) Уйшор Шведциысен Иртыш шур дорозь вjлмемын. Кутbськиз интыысь («чылкыт» ыргон) но Уралысь ваем металл (узвесен суро бронза, ыргон инбет вылын сурьмяно-мышьяковистой суретъёс (сплавъёс)). Ананьино корт лэсьтон вылэ асьме вакытлэсь азьло 8–6-тb дауръёсы бадpым влияние кавказ корт лэсьтон центр, нош 6–5-тb дауръёсы лымшор Приуральеысь, Казахстанысь но Шор Азиысь кочевникъёс лэсьтbзы. Асьме вакытлэсь азьло 5–4-тb дауръёсы бронза ужан тbрлык лэсьтонысь быдэсак палэнтэмын вал.
Ананьино лулчеберетын улbсьёслэн хозяйствоазы валтbсь инты музъем уж но пудо-живот вордон басьтbзы, нош пjйшуран, чорыган но октbськон кыкетb интыын сылbзы. Музъем уж подсечно-огневой вал. Адямиос ВАЗЬ? полба-двузернянка, йыды, просо, сезьы будэтbзы. Пудо-живот пjлысь тросгес скал (39 %) но вал (55 %) вордbзы. Озьы ик џемысь парсь (22 %), ыж (16 %) вордылbзы. Ананьино вакытэ ик адямиос ыжгонэз черсыны дышо. Соос мый, гондыр, pичы, сёр, нbзь, коньы, лудкеч, койык, косуля, уйпал пужей но кырпарсь вылэ пjйшураны ветлbзы. Куосты нимысьтыз ож тbрлыкен, чеберъяськон арбериосын но кортэн воштон понна дасяллязы. Ананьиноын улbсьёс шуръёсысь но тыосысь стерлядь, осётр, таймень, белорыбица, чипей но мукет чорыг кутылbзы. Улонын кутон арбериоссэс но ож тbрлыкъёссэс аспjртэмлыко «звериной стиль» кабен чеберъяллязы, кудаз паськыт вjлмем скифо-сибирской искусстволэн мотивъёсыз сяна (пантера, пужей, барс), нюлэскын улbсь лулосъёс (койык, кион, гондыр но тылобурдоос) но инты шедьтbзы.
Улосвылъёслэн пjртэм сямен азинскеменызы, ананьино лулчеберет вjлмем интыосын, Р. Д. Голдиналэн малпамезъя, асьме вакытлэсь азьло 3-тb даурын кык огъялык кылдэ: Вычегда, Печора шуръёсын но Шор Прикамьеын – гляденовской (комиослэн вашкалаоссы); Улb Прикамьеын но Ватка шурлэн бассейназ – пьяноборской (удмуртъёслэн вашкалаоссы). Вашкала удмурт пьяноборской огъялык (асьме вакытлэсь азьло 3-тb даур – асьме вакытысь 5-тb даур) куинь лулчеберетлы люкиське: чегандинской (Удмурт Прикамье, Белая шурлэн улb бызёнэз, Иж шур), караабызской (Белая шрлэн шор бызёнэз) но худяковской (Ватка шурлэн бассейнэз). Чегандино лулчеберетысь 150-лэсь трос синпельметъёс шедьтэмын. Отын улbсьёс коня ке монголоидной суретэн европеидъёс вал, соос антропологичской типсыя туала удмуртъёслы матын луо. 3–5-тb дауръёсы адямиослэн лыдзы будэ, соос Туймы, Иж, Сива но мукет шуръёс доры вjлмыны кутско. Туж зjк культурной сbен (0,5–2,4 м) караабызской лулчеберет гуџинъёсын но вырйылтэм ватэмъёсын тодмо луэ. Татын улbсьёс чеганинской калыклы матынэсь вал, но соос вылэ бадpым влияние сарматъёс лэсьтbзы.
Пьяноборской вакытэ корт но бронза лэсьтон ас понназ ремесло луиз. Дурисьёслэн шайёсазы ужан тbрлыкъёссы но дась лэсьтэм арбериоссы пумисько. Буйской юнматэм кар бордын 185 корт кукчо, 9 шибоды ши но 2–3-тb дауръёсысь 6 ыргон гривна шедьтэмын. Сомында шедьтэм кукчо, дуриськон ужлэсь ремесло луэмзэ сяна, подсено-огневой ю-нянь будэтонлэсь паськыт вjлмемзэ но возьматэ. Калык йылэмен но подсечно-огневой ю-нянь будэтонлэн азинскеменыз адямиос нюлэс нюлэс интыосын но пичи шуръёслэн ярдуръёсазы улыны кутскизы. Сbль но йjл понна пудо-живот вордон но азинскиз. Бадpым но пичи пудо, вал, парсь, тылобурдо вордbзы. Хозяйствоез умоятон мултэс ваньбур поттонлы но кылёнлы вуттbз, кудbз воштbськлнъёслы (вузаськонын) кутbське вал. Со сярысь трос пjртэм чеберъяськон арбериос, азвесь ваньбур, пиала но из весьёс, џукшор музъемъёсысь ваем каури-куалемъёс верало. Соосты воштыку чечы, сюсь но пjйшур куос кутbськизы. Лэсьтbсь коллективлэн инъетэз патриархальной семья вал. Хозяйствозэ со ас понназ нуиз. Со семья мукетъёсыныз џош одbг посёлокын первобытной бускель огъялык кылдытbз. Со огъялыклэн аспjртэмлыкез огъя улосвылзы, огъя музъем возён, огъя кивалтэт но огъя ожгаръёсы пыриськон вал. Патриархальной семьяе кjня ке поколениосысь атайя 20–25 адями пыре вал. Ожгар аристократической сbлэн верхушкаез висъяськиз. Тодмо луо узыр дbсен (шлем, кульослэсь лэсьтэм дэрем, щит, меч, ожгар тbр но мукет ожгар тbрлык) ватэм ожгар кивалтbсьёслэн шайгуоссы. Первобытнообщинной радлык ожгар демократия вылэ выжиз, кудbз первобытной историлэн берпуметb но классовой радлыке нырысетb выжон этапез вал.
3-тb даурлэн кыкетb љыныяз – 4-тb дауре Прикамьеын но Ватка шур дурын вашкала славянской калыкъёслэн огазеяськемъёссы вjлмыны кутскизы. Соос Кам шурлэн усён интыяз но Волга кузяна улосвылын (именьковской лулчеберет) улыны интыяськизы. Именьковской лулчеберетын улbсьёс финно-угоръёслэн корт но бронза лэсьтон ремеслоазы бадpым шjдскымон влияние лэсьтbзы но азинтbзы сое. Озьы ик ю-нянь будэтон азинтbськиз. Pег но кjжы будэтыны кутскизы. Кусоос, сюрлоос но кукчоос шедьтэмын. Финно-пермякъёс иран кылъёсын вераськись сарматъёсын кусыпъёс юнмато, кудъёсыз соослэн улосвылазы пjртэм кочевник ож тbрлык вайылbзы, нош та интыосысь чеберъяськонъёс (фибулаос но кулэсь лэсьтэм кус керттонъёс) нуллbзы.
5–9-тb дауръёсы вашкала удмурт огъялык Белая но Уфа шуръёс вискын (бахмутинской лулчеберет), Удмурт Прикамьеын (Вылb Утчан лулчеберет), Ватка шур дорын (еманаевской лулчеберет) но Чупчи шур дурын (полом лулчеберет) улыны интыяськиз. Бахмутинской лулчеберетын улbсьёс вылэ 6-тb даурысен бадpым влияние палэнысь лыктэм турбаслинской калык (иран кылъёсын вераськись? яке тюрк луэм угоръёс?) лэсьтbз, кудъёсыныз удмутъёслэн кунгожъёссы вал. 7–8-тb дауръёсы Башкирие но Лымшор Удмуртие Сибирысь кушнарековской но караякуповской типьем угор кылык (вашкала мадьяръёс) вуиз. 8-тb даур бере бахмутиинской лулчеберетысь калык лымшорысь лыктbсь степь калыкен ассимилировать каремын вал. Удмуртъёслэсь кушнарековской (угорской), именьковской (славянской) но мукет типъем калыкъёсын кусыпъёссэс чакланы луоно.
Еманаевской лулчеберетысь каръёс пичиесь, шуръёслэн сюмъёсазы (мыс) интыяськемын, одbг вырйылэн но котырак гуэн котыртэмын. Шайвылъёссы вырйылтэмесь, ватыку шау понон яке сутон (кремация) обряд кутbськиз. Туж трос ож тbрлык но улоныны кутон котыр тыремын. Ватон кузьымъёс пумисько – туйлэсь лэсьтэм пичигес шыкысын дbсь, чеберъяськонъёс тыремын. Ватка шурлэн бассейназ вашкала поръёс но вуиллям, шjдске. Вашкала удмурт калыклэн лымшор-љытшор огазеяськемъёсты Ватка шурлэн паллян пал ярдураз пумозяз палэнтон 11-тb даур бере гинэ быриз.
Чупчи шурлэн вылb бызёназ бурпал ярдураз полом лулчеберетысь 70 пала синпельметъёс интыяськизы. Чупчи шур дуре полом лулчеберетын улbсьёс љукпаласен џытпала лыктbзы. Тужгес но вазьёсыз удмуртъёс (5–7-тb дауръёс) џукшор огазеяськемъёс вал. 9-тb даурын соос Чупчилэн шор бызёназ улыны лыктbзы. Полом лулчеберет ас понназ сложной кылдэм вал, инъетэз ломлватовской но еманаевской лулчебертъёсын улbсьёс вал. Вылb Утчан лулчеберетысь улbсьёс лымшор удмуртъёс кылдонын инъет луизы (калмез), нош еманаевской лулчебертысь – удмуртъёслэн љытшор (ватка), кукмор-шошма но мукет огазеяськемъёслы. Полом лулчеберетысь удмуртъёс воштbськыса уйпал удмуртъёс пjлы пыризы. 6–9-тb дауръёсы удмуртъёс подсечной ю-нянь будэтонлы дышизы. Прикамьеысь калыкъёслэн корт лэсьтонзы огъя џукшор-европейской ремеслоосын одbг уровеньын вал. Хозяйстволэн азинскеменыз бадpым огазеяськемъёс бырыны кутскизы. Туж зол но шjдскымон влияние Прикамьеысь финно-угоръёс вылэ, озьы ик удмуртъёс вылэ но, тюрк кылъёсын вераськись булгаръёс лэсьтbзы, кудъёсыз Улb Прикамье улосвылэ Азов но Каспий дорысь степьёсысь 7-тb даурын вуизы. Соос именьковской лулчеберетысь гуџунъёсты куашкатbзы но отчы асьсэос улыны интыяькизы. 9-тb даурлэн шораз Улb Прикамьее Вылbысьтыз но Чупчи шур котырысь удмурт калыклэн люкетэз улыны выжиз. 10-тb даурын Улb Камын но вjзысьтыз Волга кузяна улосвыллэн люкетаз Волжской Булгария кун кылдbз.
9–14-тb дауръёсы вашкала огъялыклэн азинсконэз люконтэм чепецкой (Чупчи шур), кочергинской (Ватка шур) но чумойтлинской (Лышор Удмуртия) лулчеберетъёсын герpаськемын. Поломской лулчеберет инъет вылын 10–13-тb дауръёсы чепецкоез азинскиз. Тужгес но трос калыкез варыжско-пызепской бассейнын вал, отын кjня ке каръёс лэсьтэмын вал. Соос пjлысь нимысьтыз инты Иднакар – Чупчи шур дурын интыяськемъёсыз пjлысь тужгес но бадpымез – басьтbз (быдpалаез 40 сюрс м2). Иднакар ремесленной, культовой но кивалтон шор кар вал. 9–11-тb дауръёсы Ваткаысь еманаевской лулчеберетысь калыклэн Чупчи шурлэн бур пал ярдураз улыны лыктонэз азинтbськиз на. Чупчи шур дуре ватка огазеяськемысь удмуртъёс 13-тb даур бере гинэ лыктыны кутскизы. Чупчие лыктытозь ваткаос Ватка шурлэн шор но вылb бызён интыосаз улbзы. Улоннизэс воштонлэн кутсконэз Ватка шур дуре 12–13-тb дауръёсы pучъёслэн вуэменызы герpаськемын вал.
10–11-тb дауръёсысь кочергинской лулчеберет – еманаевскоезлэн азинсконэз. Азьло аръёсы отысь синпельметъёсты вашкала поръёслэн шуыса лыдъяллязы. Нош кылчиослэн эскеремъёссыя, та улос вылын туж кема дыр џоже ини вашкала удмуртъёслэн љытшор огазеяськемзы улbз. Быдэс удмурт улоннилэн кылемъёсыз али вакытэ Ватка шурлэн улb бызёнысьтыз бур пал ярдурысьтыз шедьтэмын. Солэн интыяськемез но поръёсын, бигеръёсын матысь кусып воземез, этнографической но кыл ласянь аспjртэмлыкъёссэ валэктэ (удмурт кыллэн кукмор но шошма вераськетъёсыз).
Чумойтлинской лулчеберт (10–14-тb дауръёс) Вылb Утчан лулчеберет инъет вылын кылдbз но Кам но Ватка шуръёс вискысь улосвыллэн лымшор люкетаз интыяськиз. Юнматэм каръёс азьвыл кадьик лэсьтbськизы. 13-тb даурысен кутскыса выль юнматонъёс jз ни лэсьтbське, калык селищеосын улыны кутскиз. Шайвылъёс вырйылтэмесь, шайгуосы, кулэм адямиез сяна, џемысь номыр но тbрлык пjлысь jвjл тыремын. Куддыръя горд сюйлэсь лэсьтэм тусьты-пуньы, ужан тbрлык, чеберъяськонъёс пумиськыло. Чумойтлинской лулчеберетын улbсьёс бергес вакытысь (15–17-тb дауръёсысь) синпельметъёсын герpаськемын шуыса истори ошмессинъёс (источникъёс) верало. Та улосвыллэн аспjртэмлыкез дbсь лэсьтонын, куиськонын, улонни лэсьтонын, религиозной осконъёсын но адpиське. Лымшор огазеяськем удмуртъёслэн нация выллем кылдоназы одbгез вашкалаез луэ.
2-тb сюрс аръёслэн кутсконаз удмуртъёслэн историяязы Волжской Булгария бадpым роль шудbз. Улb Ваткаысь удмуртъёс булгаръёсын вузаськонэн гинэ jз выре, дань (харадж) тыризы. Озьы ке но, туала Лышор Удмуртилэн улосвылаз весь сылbсь булгар гуртъёс jй вал. Чупчи синпельметъёсын булгар тусьты-пуньы ваньмыз пjлысь 2 % гинэ басьтэ. Волжской Булгарилэн каръёсыз вузаськон дыръя гинэ удмуртъёсын герpет луо вал. Со сюрес кузя, озьы ик pуч вузаськисьёс пыр, со дыръёсы Удмуртие љытшор-европейской коньдон, константинопольской басмаос, вашкала pуч но џукшор весьёс вуылbзы. 10–14-тb дауръёсы удмуртъёслэн классъёслы люкиськон вакытсы кутскиз. Соослэн азинскем ю-нянь будэтонзы но пудо-живот вордонзы, корт лэсьтон но бронза џыжатон ремеслозы вал. Удмуртъёс мукет калыкъёсын вузаськылbзы но матысь кусып возизы.
Удмурт калыклэн историысьтыз кjня ке интыысь ёросъёсты висъяны луоно, кудъёсызлэн исторической адpонзы (судьба) одbг выллем jй вал. Тужгес но вашкалаосыз лымшор удмурт но калмез огазеяськемъёс луо. Белая шурлэн улb бызёназ улbсь вашкала удмуртъёс 1-тb сюрс арлэн пумаз – 2-тbезлэн кутсконаз угоръёсын но башкиръёсын ассимилировать каремын вал. Кукморско-шошминской удмуртъёслэн огазеяськемзы мукет удмуртъёслэсь вазь люкиськемын вал. Соос Ватка но Ветлуга шуръёс вискын улbзы. 1–2-тb сюрс аръёслэн висказы поръёслэн но булгаръёслэн зbбеменызы, соослэн улоннизылэн љытшор кунгожзы Ватка дорыгес воштbськиз. Шор Ватка но Чупчилэн улb бызёназ интыос озьы ик чылкак удмурт улосвыл вал, отын ватка огазеяськем улbз. Pуч но пор калыкен кусып возьыса, ватка Чупчи шурлэн шор но вылb бызёнъёсаз вуиз. 13-тb даурлэн 40-тb аръёсаз Љытшор Европае лыктэм монгол ожгаръёс Pуч но Булгар кунъёсты пазьгизы. Трос булгар гуртъёс но каръёс куашкатэмын вал но выльысь jз ни лэсьтbське. Калык каръёслэс палэнэ пегpиз. Волжской Булгария Зарни Орда пушкы пыриз. 1240-тb арын монголъёс Кам шурлэн бурпал ярдураз улbсь удмуртъёс доры вуизы но отысь музъемъёсты Арской сюрес борды юнматbзы. 13-тb даурлэн шораз Ватка шурлэн шор бызёназ, монголъёслэн лыктэмзылэсь кышкаса, Ватка музъем нимо кун кылдbз, кудbз отын улbсь pуч но финно-угор калыкез герpаз.