Перевощиков Василий Яковлевич

(вордћськемын 17-тћ пќсьтолэзе 1928-тћ арын Удмурт Элькунысь туала Игра ёросысь Пазяли гуртын – кулэмын 18-тћ южтолэзе 1986-тћ арын Ижкарын), удмурт актёр но режиссёр, УАССР-ысь (1956-тћ арын) но РСФСР-ысь (1960-тћ арын) сћё-дано артист. 1932-тћ арын П.-лэн семьез Ижкаре улыны лыктэ, атаез Удмурт драмая театрын артист луыса ужаны кутске. 1944-тћ арын П. со театрлэн юрттћсь составаз пыртэмын. 1946–51-тћ аръёсы Ленинградысь А. Н. Островский нимо тетаральной институтын дышетске. 1951-тћ арысен – актёр, 1954-тћ арысен – Удмурт драмая театрысь режиссёр. П. универсальной актёр вал, героической но комедийной, остросоциальной но трагикомической рольёсты шудћз. Геройёсызлэн дунне шќдоназы, малпаськон манеръёсазы аслаз актёрлэн характерез шќдћське вал – непосредственность, лулэзлэн чеберез но небытэз. Инъет рольёсыз: Труффальдино (К. Гольдонилэн «Слуга двух господ» произведениезъя), Перчихин (М. Горькийлэн «Мещане» произведениезъя), В. И. Ленин (И. Поповлэн «Семья» произведениезъя), Васька Окорок (В. Ивановлэн «Бронепоезд 14-69» произведениезъя), Аким (Л. Н. Толстойлэн «Власть тьмы» произведениезъя), Максим (И. Гавриловлэн «Шунды љужаз» произведениезъя), Тэмыр (И. Гавриловлэн «Лымы тќдьы» произведениезъя), Терешко (А. Макаёноклэн «Трибунал» произведениезъя). Режиссёр кадь П. 20 пала спектакль пуктћз, кудъёсыз пќлын В. Садовниковлэн но М. Тронинлэн «Гондыр куш» произведенизыя (1972-тћ арын), А. Н. Островскийлэн «Правда хорошо, а счастье лучше» произведениезъя (1973-тћ арын), А. Вампиловлэн «Прошлым летом в Чулимске» произведениезъя (1976-тћ арын), Е. Загребинлэн «Асьмелэн со одћг» произведениезъя (1979-тћ арын) но мукет.
Лит-ра: Ленковская Е. К. Экзамен каждый день. Ижевск, 1978; Евсеева А. Я. Память сердца. Ижевск, 1991; Ложкин В. В. Мастера Удмуртского театра. Ижевск, 1991.