Перевощиков Петр Николаевич

(вордћськемын 12-тћ толшор толэзе 1900-тћ арын Ватка губерниысь Глазов уездысь – али Удмурт Элькунысь Кез ёросысь – Трифоново гуртын – кулэмын 5-тћ коньывуон толэзе 1965-тћ арын Ижкарын), кылчи, филологи тодосъёсъя доктор (1960-тћ арын), профессор (1961-тћ арын). Калыккуспо Финно-Угорской мерлэн (Хельсинки) ёзчиез. Ленинградысь педагогической институтэз 1931-тћ арын йылпумъяз, Ижкарысь пќртэм дышетсконниосын удмурт но њуч кылэз дышетћз. 1937–65-тћ аръёсы УдНИИ-ын ужаз, 20 арлэсь трос удмурт кылъя секторен кивалтћз. Удмурт синтаксисъя но морфологияя, орфографияя но пунктуацияя ужпумъёсты эскериз, удмурт литература кылэз волятон удысын тыршиз. Удмурт кылысь кушето сложноподчинённой предложениосты эскериз но валэктћз, глагол бордысь пќрмем существительнойёсты висъян но переходной синтаксической конструкциосты эскерон ужпумен выриз, кыл сочетаниослэсь типъёссэс но соослэсь удмурт кылын кусыпъёссэс эскериз, куд-ог кыллюкетъёс сярысь гожъяз. Удмурт-њуч (1948-тћ арын) но њуч-удмурт (1956-тћ арын), орфографической (1959-тћ арын) кыллюкамъёсты но “Туала удмурт грамматикаез” лэсьтонэн кивалтћз. “Деепричастия и деепричастные конструкции в удмуртском языке” (1959-тћ арын) монографиез удмурт кылтодонъя умойёсыз пќлысь одћгеныз ужен лыдъямын вал (финно-угор кылтодонэ туж бадњым понос). “Советское финно-угроведение” журналлэн редколлегиезлэн ёзчиеныз бырйиськылћз.
Ужъёсыз: Сложноподчинённые предложения в удмуртском языке. Ижевск, 1939; К совершенствованию переводческой письменности. Ижевск, 1940; О некоторых синтаксических конструкциях в удмуртском языке // Вопросы языкознания. 1952. № 26; Роль русского языка в развитии культуры удмуртского народа. Ижевск, 1963.
Лит-ра: Петр Николаевич Перевощиков // Ими гордится Удмуртская земля. Ижевск, 1978.