Пароход возисьёс

(19-тћ даурлэн кыкетћ љыныез – 20-тћ даурлэн кутсконэз), адямиос, кудъёсызлэн асьсэлэн паровой пыжъёссы вал. Соос табыш поттон понна калыкез но вузъёс шуръёс кузя нуллћзы. 19-тћ даурлэн 40–50-тћ аръёсызлэн пумазы Россиысь пароходэн ветлонлэн азинсконаз 1843-тћ арозь «Свободные права буксирного пароходства для всех, кто пожелает заводить пароходы» нимо потэм закон бадњым юрттэт луиз. П. в. 1-тћ гильдиысь вузаськон свидетельство басьтон понна, пароходзэс прибрежной карын регистрировать карыны, ним сётыны кулэ вал, нош нимзэ воштыны Финансъёсъя министерстволэн лэземезъя гинэ луэ вал. Кам но Ватка шуръёслэн бассейназы 19-тћ даурлэн кыкетћ љыныяз пароход возисьёс пќлын 22 вузчи, 3 крестьян но 1 мещанин вал. Шоро-куспо мощностен пароходлэн дуныз 60–100 сюрс манет сылэ вал. Ватка губерниын нырысетћ пароходъёс 19-тћ даурлэн кыкетћ љыныяз Сарапул уездысь ужбергатћсьёслэн вал. 40-тћ аръёслэн шор вадесазы Сарапул карысь М. С. Колчин но Татаринов Кам шур вылын нырысетћзэ 600 сюрс пуд нуллыны быгатћсь пыж лэсьтћзы. Берлогес М. С. Колчин пароход лэсьтонэз но соин ветлонэз азинтћз («Вера» но «Колчин» нимо пыжъёс).
1857-тћ арын пароходэн ветлонэз но пароход лэсьтонэз солэн выныз И. С. Колчин усьтћз, ужзэ Нижний Новгород каре выжтћз, Волга шур кузя вуз нуллыны кутскиз. Н. Н. Блиновлэн гожтэмъёсызъя Воткинской заводлэн контораысьтыз ужась саваж казённой кортэз Кам шур кузя нуллонэн выриз. Солэн 2 пароходэз вал. Кам но Волга шуръёс вылын пароход ветлонэз Сарапулысь потэм вузчи У. С. Курбатов азинтћз. Солэн Нижний Новгородын пароход лэсьтон заводэз но вал. Кулэмез бере, 1885-тћ арын пароходэн ветлонэз но укёез О. П. Карпова кие вуизы. Пароходствооссы А. Т. Шитов («Сарапул») но П. Ф. Корешев («Юноша») нимо Сарапулысь бадњым вузчиослэн-оптовикъёслэн вал. Кам шур вылын пароходстволэн шорыз Елабуга кар каремын вал. 50–70-тћ аръёсы отын Вяхирев («Елабуга»), Вавулин («Русский», «Полтава»), А. П. Землянов («Крылья», «Крым», «Друг», «Ялта»), А. П. Гирбасов («Русский») вузчиослэн пароходствооссы вал, Елабуга уездысь Стахеевъёс но Ушаковъёс вузаськон юртъёс возисьёслэн но пароходствозы кылдэ.
60-тћ аръёсы Ватка шур вылын пароходство кылдэ. 1861-тћ арын Куклин, Столбов но Чудинов вузчиослэн пароходной эштоссы («Вятка» но «Орлов» пыжъёс) кылдћз. 1863-тћ арын Ф. Т. Булычевлэн («Гражданин»), кудћз бергес Т. Ф. Булычев пиез дыръя Ватка шур вылысь тужгес но бадњымез луэ (1876-тћ арын солэн 7 пыжез вал, 1900-тћ арын – 19) пароходствоез кылдытэмын, собере А. В. Александровлэн (1868-тћ арын) – 4 пыжез, Орлов уездысь И. И. Стойлов крестьянинлэн (1873-тћ арын) – 3 пыжез, Я. Ф. Тырышкинлэн (1900-тћ арын) – 12 пыжез. 60-тћ аръёсы Н. Н. но Д. Д. Якимовъёс, М. И. Кошкин яранской вузчиослэн, А. А. Казенин ватка вузчилэн, Бердинский вынъёслэн – уржумысь вузчиослэн пароходствоосы кылдћзы. 20-тћ даурлэн кутсконэзлы Ватка губерниысь пыж возисьёслэн 80 пыжзы вал, соос пќлысь 70 %-эз буксирноесь яке буксирно-пассажирскоесь вал. Камско-Воткинской заводлэн пу, вузъёс нуллон понна аслаз пароходствоез вал («Вулкан», «Перекат», «Воткинский завод», «Шаркан», «Стрела» пыжъёс). Кам но Ватка шуръёс кузя калыкез нуллонэн 19-тћ даурлэн пумаз – 20-тћ даурлэн кутсконаз Т. Ф. Булычевлэн (Вятка – Казань), Д. Д. Якимовлэн но А. В. Якимовлэн (Казань – Елабуга – Уфа), И. В. Александровлэн наследникъёсызлэн (Казань – Медведок), У. С. Курбатовлэн наследникъёсызлэн (Нижний Новгород – Пермь), Н. Г. Надымовлэн (Сарапул – Оса) пароходствоосы выризы. 20-тћ даурлэн кутсконаз шур кузя нуллонъёсты монополизировать карон процесс кутске. 1900-тћ арысен 3 вятской пароход возисьёс (Булычёв, Тырышкин но Александров) «Булычёв» нимо конвенцие огазеяськизы, нош 1902-тћ арысен огазеяськем «Волжско-Вятской пароходстволэн эштосэз» нимаськыны кутскиз – коньдонэз 3 млн. манет, 38 пароход. Кам шур вылын Каменскийёслэн но Мешковлэн (Пермь карысь) пароходствоосы герњасько. 1910-тћ арысен И. Г. Стахеевлэн вузаськон юртэз Волга бассейнысь мазутэз нуллонэз ас кияз басьтэ (монополизировать каре). Тросэз пыж возисьёс благотворительной уж нуизы: Ф. Т. Булычёв – Ватка карын; У. С. Курбатов, О. П. Карпова, И. М. Колчин – Сарапулын; Стахеевъёс – Елабугаын. Камско-Вятской бассейнысь вузаськон юртъёс но пароходствоос ватка ужбергатћсьёслэн одћг комплексной хозяйствозылэн элементъёсыз кадь луо.