Паллас Пётр Симон

(вордћськемын 22-тћ куарусён толэзе 1741-тћ арын Берлин карын – кулэмын 8-тћ куарусён толэзе 1811-тћ арын отын ик), естествоиспытатель, географ, этнограф, Петербургысь тодосъёсъя академилэн ёзчиез (1767-тћ арысен). Германиын, Голландиын, Великобританиын дышетскиз. 1767-тћ арын Россие улыны но ужаны лыктћз. 1767–74-тћ аръёсы Петербургысь тодосъёсъя академилэн экспедициеныз кивалтћз, кудћз Россилэн шор улосвылъёсаз – Улћ Поволжьелэн ёросъёсаз, Каспий вќзысь улыг-џошалэ (низменносте), Шор но Лымшор Уралэ, Лымшор Сибире (Алтай, Байкал, Байкал сьќр) вуылћз.Сибирысь бертыкуз, 1773-тћ арын тулыс Сарапул кар дорын тылобурдоосты чаклаз (Удмуртиын нырысетћ орнитологической эскеронъёс), «Путешествие по разным провинциям Российского государства» (1–3-тћ люкетъёсыз, 1773–74-тћ аръёс) ужаз со эскеронъёссэ пыртћз. 1793–94-тћ аръёсы П. Поволжьее, Уйпал Кавказэ вуылћз, Крымын кќня ке дыр џоже улћз. Ветлон дыръяз (но берлогес пыр-поч радъяз) географической, ботанической, зоологической, этнографической но мукет материалъёс люказ. Паллас ик «Флора России» (1-2-тћ люкетъёсыз, 1784–88-тћ аръёс) бадњым уж гожтћз, астрагалъёс но солянкаос сярысь монографиос. Вазь гожтэм ужъёсаз П. органической дуннелэн исторической азинскемез сярысь малпанъёс вералляз; лулосъёсты нырысьсэ родословной писпуэн герњаз; бергес видъёслэсь весь одћг выллем, вошъяськисьтэм луэмзэс валаз. П.-лэн нимыныз Курильской шормуџъёсысь вулкан, Выль Гвинея вќзысь риф, озьы ик тросэз будосъёс но лулосъёс нимамын.
Ужъёсыз: Zoographia Posso-asiatica. T. 1–3. Petropoli, 1811.
Лит-ра: Райков Б. Е. Русские биологи – эволюционисты до Дарвина. М.-Л., 1952; Ефремов Ю. К. Отечественные физикогеографы и путешественники. М., 1959.