Ончуков Николай Евгеньевич

(вордћськемын 3-тћ гудырикошкон толэзе 1872-тћ арын Сарапул карын – кулэмын 6-тћ южтолэзе 1942-тћ арын Пенза карын), газетчи, книга поттћсь (издатель), фольклорист но этнограф. Тодос меръёслэн но организациослэн ёзчиез: ИРГО-лэн (1901-тћ арысен), Петербургысь археологической институтлэн (1903-тћ арысен), Шаертодонъя но шор бюролэн библиографической ќриезлэн (1925-тћ арысен), Уралэз, Сибирез но Дальней Востокез эскеронъя мерлэн Ленинградысь ёзэтэзлэн (1927-тћ арысен) но мукет. Ватка губернилэн Сарапул уездысьтыз Сосновка черкогуртын, Пермь губерниысь Насадки черкогуртын но Пермь карысь пересыльной тюрьмаын фельдшер вал. Одћг дыре ик 1897-тћ арысен провинциальной но шоркар газетъёсын ужаз. «Прикамская жизнь» нимо Сарапул карын потћсь газетлэн радъясез но нырысетћ редакторез вал (1908-тћ арысен). Сарапулысь земской музеез, Кам шур котырысь улосвылэз эскеронъя мерез кылдытонэ пыриськиз. Озьы ик О. «Известия Общества изучения Прикамского края», «Известия Сарапульского земского музея» систематической научной изданиосты радъянэ пыриськиз. Петербургысь археологи институтэз йылпумъямез бере њуч фольклорез но этнографиез дышетћз. Люкам материалъёсыз вылэ пыкиськыса, Санкт-Петербургын «Печёрские былины» (1904-тћ арын), «Северные сказки» (1909-тћ арын), «Северные народные драмы» (1911-тћ арын) бичетъёс поттћз, кудъёсыз ИРГО-лэн азвесь но 2 бадњым зарни медальёсыныз пусъемын вал.
Лит-ра: Налепин А. Л. Фольклорно-этнографическая деятельность Н. Е. Ончукова // Очерки истории русской этнографии, фольклористики и антропологии. Вып. X. М., 1988.