Одиянков Евгений Германович

(вордћськемын 16-тћ коньывуон толэзе 1952-тћ арын Ижкарын), кардиохирург, эмтодосъёсъякандидат (1991-тћ арын), Удмурт Элькунысь тазалык утёнъя удысысь сћё-дано ужась (1993-тћ арысен), Россиысь медицинско-технической тодосъёсъя академилэн ёзчиез (1994-тћ арысен). 1975-тћ арын ИГМИ-ез йылпумъяз. 1975–79-тћ аръёсы – элькунысь клинической эмъяськонниысь 1-тћ категориен врач, 1987-тћ арысен – элькунысь кардиологической клинической диспансерысь валтћсь врач. Сюлэм но вирсэръёс вылын туж секытэсь операциос лэсьтэ (аорта, сюлэмлэн клапанъёсыз, вылын, нылпиос вордћськемзы дырысен сюлэмзылэн шекез дыръя, вирез искусственной амалэн лэзён тћрлыкез уже кутыса но сюлэмез дугдытыса, озьы ик пекля но солэн вирсэръёсыз вылын но мукет). Солэн пыриськеменыз, “Кардиология и ревматология в Удмуртии” (1980–1995-тћ аръёсы) нимо куинь огез бќрсьы огез мынћсь комплексной элькун программаос радъямын но уже кутэмын вал. Бадњым саклык эмтодос тћрлыке выльдонлы но умойгес каронлы висъяз. США-ысь кардиологической центръёсын регулярно стажировкаос ортче. Удмуртиысь Комсомоллэн премиезлэн лауреатэз (1981-тћ арын), Удмурт Элькунысь Кун премилэн лауреатэз (1994-тћ арын, Л. А. Лещинскиен, М. Ф. Муравьёвен џош) наукая но карлиологияя ужъёсыз понна. РСФСР-ысь Вылћ Кенешлэн депутатэз (1990–93-тћ аръёсы), Удмурт Элькунысь Кун Кенешлэн депутатэз (1995-тћ арысен). Ижкарысь сћё-дано кунмурт (1997-тћ арысен).