Нурмухамедов Ильяс Нуретдинович

(вордћськемын 2-тћ шуркынмон толэзе 1926-тћ арын Татарской АССР-ысь Биктово гуртын), живописец, график, монументалист. УАССР-ысь искусство удысысь сћё-дано ужась (1966-тћ арын). 1947–52-тћ аръёсы Казаньысь художественной училищеын дышетскиз. Россия Федерациысь суредасьёслэн герњетсылэн ёзчиез (1964-тћ арысен). 1956–71-тћ аръёсы Удмурт телевиденилэн нырысетћ суредасез вал, телевиденилэсь улон-вылонзэ «В телестудии» (1964–69-тћ аръёс) нимо пастельёсын возьматћз: «За голубым экраном», «Телестудия» (кыкез ик Россия Федерациысь Лулчеберетъя министерствоын интыямын), «Операторы» (Россия Федерацилэн Художественной фондаз интыямын), «Балерина» (Удмурт Элькунысь изобразительной искусствоосъя музейын интыямын) но мукет. Историлы, улон сярысь философской малпанъёслы тужгес но умойёсыз живописной произведениосыз сћземын: «Железный начдив В. Азин» (1971-тћ арын, Удмурт Элькунысь Йќскалык музейын), «Ижевск взят!» (1987-тћ арын, Удмурт Элькунысь изобразительной искусствоосъя музейын), «Памяти жены» (1985-тћ арын), «Ислам. Размышление» (1990-тћ арын).
Монументальной искусство удысын Н. быгатыса бадњымесь трос фигураем композициос лэсьтылћз, росписез но архитектурной котыртэмзэ туж гармонично огазеяны быгатћз: «Мы наш, мы новый мир построим», 1975-тћ арын; Политпросвещенилэн юртэз, Ижкар, УАССР-ысь Кун премиен данъямын, 1976-тћ арын. Н. – художественной, нылпи, общественно-политической литература понна (100-лэсь трос) графической оформлениослэн авторез но луэ. Тужгес но умойёсыз: А. Алдан-Семёновлэн «Красные и белые» романэзлы (1980-тћ арын); «Чечыен нянь» (1972-тћ арын) удмурт калык побасенкаослы иллюстрациос – оригиналъёсыз Удмурт Элькунысь изобразительной искусствоосъя музейын интыямын. 1964-тћ арысен «Большая Волга» зональной но кќня ке быдэс Россиысь суредасьёслэн адњытонъёсазы пыриськылћз.