Наумов Василий Иванович

(вордћськемын 20-тћ толсур толэзе 1903-тћ арын туала Удмурт Элькунысь Кез ёросысь Дынгырлуд гуртын), биолог, Удмурт Элькунысь наука удысысь сћё-дано ужась (1960-тћ арын). 1929-тћ арын Кировысь педагогической институтэз йылпумъяз. Биологи тодосъёсъя кандидат (1951-тћ арысен). 1936–76-тћ аръёс џоже ИГМИ-ысь огъя химияя факультетын ужаз, 1952-тћ арысен – доцент, 1960-тћ арысен – кафедралэн кивалтћсез. Научной эскеронъёсыз – Удмуртиысь вуослэн эмъян быгатонлыкъёссы но ресурсъёссы, калык доры вуэз вуттон ужпум. Н.-лэн эскернъёсыз Варзи-Ятчиын интыяськем ошмессинмысь вуэзлэсь выль эмъясь свойствооссэ усьтћзы. Солэн ужъёсызлэн инъетсы вылын «Варзи-Ятчи» курортлэн паспортизациез лэсьтэмын. Ново-Ижевской ошмессинлэсь, Кизнерысь сероводородэн рассольной ошмессинлэсь эмъясь свойствооссэс усьтћз. Удмурт Элькунысь вуослэсь кадастрзэс лэсьтћз, музъем вылысь но пушкысь вуосты эскериз, юон понна кутћськись вуысь фоновой микроэлементъёссэ эскериз (йодэзлэсь, фторезлэсь кќня луэмзэ, эпидемической зоб висёнлэсь пуромон луонлыкъёссэ но пиньёслэсь кариес висёнзылэсь паськытамзэ эскериз). 45-лэсь трос печатлам ужъёслэн авторез, кудъёсыз пќлысь кыкез – монографиос. Тазалык утёнлэн отличникез (1950-тћ арысен). «Знак Почёта» орденэн (1958-тћ арын) но медальёсын данъямын.
Ужъёсыз: Минеральные воды Удмуртии. Ижевск. 1994; Природные лечебные ресурсы (минеральные воды и грязь) УАССР. Ижевск, 1974.