Наговицын Иосиф Алексеевич

(вордћськемын 6-тћ куарусён толэзе 1888-тћ арын Ватка губерниысь Глазов уездысь Лудошурской волостьысь Омутница гуртын – кулэмын 21-тћ шуркынмон толэзе Крымысьь Мисхор посёлокын), советской государственной ужась, профессиональной революционер, 1905-тћ арысен РСДРП-лэн ёзчиез. Глазовысь 4 классъем горной училищеез 1904-тћ арын йылпумъямез бере, Ваткаысь гурт ужъёсъя технической училищее дышетскыны пыриз, кудысьтыз 1905-тћ арын южтолэзе забастовкае пыриськемез понна уллямын вал. Уралысь, Екатеринбургысь но Уфалейско-Кыштымской РСДРП-лэн улосвыл организациосаз революци понна ужамез понна 1990-тћ арысен Енисейской губерниын ссылкыан келямын вал. 1913-тћ арысен – политической эмигрант. РСФСР-ысь удмуртъёслэн ужъёссыя Наркомнацэзлэн комиссарез, РКП(б)-лэн ЦК-езлэн агитацияя но пропагандая Вотской бюроезлэн тќроез (1919–20-тћ аръёсы), ВАО-лэн револиционной комитетэзлэн тќроез (1921-тћ арын, толшор толэзьысен пќсьтолэзёзь), Вотской областной исполнительной комитетлэн тќроез (1921–25-тћ аръёсы), РСФСР-ысь Наркомпрослэн коллегиезлэн ёзчиез но ќжыт лыдын калыкъёсты дышетонъя Кенешлэн тќроез (1925–26-тћ аръёсы), РСФСР-ысь социальной обеспечениея нарком (1926–37-тћ аръёсы). СССР-ысь Кенешъёслэн 1–8-тћ ќтчамъёсазы делегат (1922–36-тћ аръёсы), РКП(б)-лэн 10-тћ (1921-тћ арын), 13-тћ (1924-тћ арын) ќтчамъёсызлэн делегатэз, ВКП(б)-лэн 15-тћ (1927-тћ арын), 16-тћ (1930-тћ арын), 17-тћ (1934-тћ арын) ќтчамъёсызлэн делегатэз, СССР-ысь ВЦИК-лэн (1926–37-тћ аръёсы), ЦИК-лэн (1927–37-тћ аръёсы) ёзчиез. «Социальной обеспечение» журналлэн редакторез (1926–37-тћ аръёс џоже).
Лит-ра: Павлов Н. П. Иосиф Наговицын. Ижевск, 1988.