Музъем улысь вуос

Удмуртилэн улосвылаз, кудћз Ватка-Кам артезианской бассейнэ пыре, вань типъем музъем ул вуос пумисько: почвенно, грунтовой, пќртэм сћос вискысь вуос (напорнойёсыз но напортэмесь) но жильной. Музъемез вылћысен улће вандоно ке, вуос куинь пќртэм зонаосы пыро: капчи пооыты луоно, шуг поттыны луоно но туж шуг поттыны луоно. Шќг гидрокарбонатной вуэн нырысетћ зоналэн зќкталаез 50–250 м. Татысь ву гидрокарбонатно-кальциево-магниевой. Лымшор пала мыныку, сульфатной, натриевой но хлоридной ионъёслэн концентрацизы будэ. Та зонаысь ву котькытын кутћське, запасэз 1233 км3/г. Ву пќртэм комплексъёсы пырись ву возись (водоносной) сћосын пумиське.
Неоген-четвертичной аллювиальной ву возись комплекс шуръёслэн долинаоссы кузя вќлмемын. Та сћосты луо, супесьёс, суглинокъёс, векчи кќльыос кылдыто. Зќкталаез 2–5, 30–50 м. Вуэз шќг, минерализациез 0,2–0,8 г/л, гидрокарбонатной, кальциевой но магниевой ионъёсыз трос. Пичи мурдалаын интыяськеменызы (0,5–2,0 м) но вуэз возисьтэм липетэнызы, аллювийной ву возись сћос кырсёмыны шедё.
Бигер карбонатно-терригенной ву возись комплекс элькунлэн уйшор люкетаз вќлмемын. Татысь сћосты луолыкъёс, луо, конгломератъёс, доломитъёс, известнякъёс, сюйёс вискын кыллись аргиллитъёс но чурыт алевролитъёс кылдыто. Огъя зќкталаез 180–200 м. Ву возись сћос 12–100 м мурдалаын кыллё. Вулэн минерализациез 0,1–0,9 г/л, вуэз гидрокарбонатно-кальциево-магниевой но магниевокальциевой, шергес – гидрокарбонатно-хлоридной, кальциево-магниевой но гидрокарбонатно-натриевой. Куд-ог интыосын та ву нокырсёмыны шеде.
Казанской карбонатно-терригенной ву возись комплекс Удмуртиын котькытын пумиське. Татысь сћосты луолыкъёс (висказы векчи конгломерат но мергель сћосын) но известнякъёс кылдыто. Вуосыз напорноесь, Можга ёросын 11–16 м мурдалаысь, мукет лымшор ёросъёсын – 19–76 м мурдалаысь пото. Минерализациез џемысь 0,3–1,0 г/л, нош комплекслэн улћяз – 2,0–5,5 г/л. Шќг вуос џемысь гидрокарбонатноесь, магниево-кальциевоесь; кузьытъёсыз – гидрокарбонатно-сульфатноесь, магниево-кальциевоесь яке сульфатно-гидрокарбонатноесь но кальциево-натриевоесь. Кузьытъёсыз вуос 1–35 г/л минерализациен шуг поттыны луоноосыз пќлы пыро. Зќкталаез 100 м-озь. Та зонаын Уфимской сульфатно-карбонатно-терригенной ву возись комплекс интыяськемын. Элькун улосвылтћ котькытын пумиське но ќжыт эскеремын, малы ке шуоно мурын кылле. Вуосыз кузьытэсь. Минерализациез 1г/л-лэсь трос. Ичи мурдалаын сульфатной («Варзи-Ятчи» курорт) но натриевой типъем вуос пумисько.
Элькунысь шќг вуос арысь-аре зол кырсёмытћсько. Удмурт Элькунысь инкуазь кун комитетъя (1995-тћ арын), 16 со вуосын интыос кырсёмытэмын. Соос џемысь мувќй поттон интыосын пумисько. Кырсёмытћсь арбериос: мувќй, хлоридъёс, нитратъёс но секыт кортъёс.
Улћ пермлэн кунгур ярусэзлэн улћязгес туж шуген поттыны луоно вуос интыясько. Отын 250–325 г/л минерализациен хлоридной суретъёс пумисько. Зќкталаез 2500 м. Вуосыз пќртэмесь: ќжыт минерализациен сульфатно-натриевойысен хлоридно-натриевоёзьн он хлоридно-кальциево-натриевоёзь. Берпуметћосаз йод (3,2–16,1 мг/л), бром (145–1280 мг/л), стонций но мукет элементъёс пумисько. Куд-ог интыосын (Чур, Глазов) йодзэ но бромзэ висъяны луоно.
1993-тћ арын элькунын музъем вылысь но пушкысь огъя ву басьтон 375,8 млн. м3 кылдытћз, калык хозяйствоын 357,19 млн. м3 уже кутэмын. 90-тћ аръёслэн кутсконазы музъем улысь арлы быдэ 60 млн. м3 ву поттћськиз.