Мувќй (турецкой neft < персидской нефт),

љуась вќё-кќё аспќртэмлыко зынэн жидкость, музъемлэн пыды (осадочной) оболочкаяз вќлмемын. Тужгес но кулэ луись пайдаё ископаемой, дуннеысь топливно-энергетической хозяйствоын валтћсь инты басьтэ. Дуннеысь энергоресурсъёсты уже кутонъя учконо ке, мувќйлэн люкетэз 3 %-ысен (1990-тћ арын) 47,5 %-озь будћз (1995-тћ арын). Удмуртиын мувќй поттонэн «Удмуртнефть» ОАО выре, кудћзлэн балансаз 28 мувќй поттонниос (месторождениос), кудъёсыз пќлысь 21-ез – промышленной разработкаын. Тужгес но бадњымъёсыз мувќй поттонниос: Чутырско-Киенгопской (Игра, Шаркан, Якшур-Бодья ёросъёслэн улосвылазы), Мишкинской (Воткинск но Завьял ёросъёсын), Гремихинской (Воткинск но Завьял ёросъёсын), Ельниковской (Сарапул ёросын). 60 %-эзлэсь тросэз мувќй секытэн поттыны луоноосыз пќлы пыре. Удмуртиысь мувќй одћг кадь луисьтэм мувќен тырмем сћосын (пластъёсын), мурдалаезъя интыяськеменыз, физической но химической свойствоосызъя висъяське. Поттэ мувќйын сералэн люкетэз 2,5 – 3,9 %, парафинэз 2,8 – 6,6 %, сћослэн зќкталазы 1,2 – 1,7 м. Озьы ке но, поттэм запасъёс пќлысь 40 %-эз гинэ кутћське. 1967-тћ арысен Удмуртиын мувќй поттонниосты уже кутыны кутсконысен 1996-тћ ар азелы огъя 170 млн. тонна пала та пайдаё ископаемой поттэмын. Азьланяз чаклам мувќй поттоннниос элькунамы: Быгинской (Шаркан ёросын) но Михайловской (Игра ёросын).