| |
Мултан уж,
Ватка губерниысь Мамадыш уездысь Вуж Мултан гуртысь (али Удмурт Элькунысь
Кизнер ёросысь Короленко черкогурт) удмурт-крестьянъёсты языческой инмаръёссылы
адями курбон сётонэн янгыше уськытонэн герњаськем судебной процесс. Бытовой
уровеньын кутскыса (Анык гуртысь 2 крестьянъёс Вуж Мултанын улћсьёсын
уг тэро вылэм соосты музъем огъялыказы (общинаязы) кутымтэен; нырысьёсыз
куанерез вииллям
мултанъёсты собере янгыше уськытон вылысь, собере музъемзэс басьтэмзы
луоз шуыса), М. у. борды официальной кивалтэт но кыткиськиз. Сарапулысь
улосвыл судысь Н. И. Раевскийлэн кивалтэмез улсын 29 толэзь џоже кыстћськем
следствие вань кужмысьтыз адями курбон сётэм сярысь свидетельствоос люканы
тыршиз. Та ужъя 10 крестьян арестовать каремын вал. 1894-тћ арын 10–11-тћ
толсуре Малмыж уездной карын 1-тћез суд ортчиз. Крестьянъёсты янгышоесь
лыдъямын, 7-ез Сибире келяны пуктэмын, нош 3-ез лэземын вал. Крестьянъёслэн
утисьсы (адвокатсы) М. И. Дрягин судлэн приговореныз соглаш ќз кариськы,
Сенатэ кассационной чагиськон кагаз лэзиз. Следствие мынон но суд дыръя
трос янгышъёс шараямын вал. Приговорез умоен ќз лыдъялэ, кыкетћзэ расследование
ортчытыны пуктэмын вал. 1895-тћ арын 29-тћ куартолэзе – 1-тћ коньывуон
толэзе Елабуга карын 2-тћ суд ортчиз. Таиз ваньзэ суд улэ шедемъёсты янгышен
лыдъяз. Дрягинлэн выльысь чагиськон гожтэмезъя, Сенат судлэсь пуктэмзэ
ќз юнматы, Казаньысь улосвыл судлы споръяськон ужез сэрттыны-пертчыны
сётћз. 1896-тћ арын 28-тћ куартолэзе – 4-тћ инвожое М. у.-я Мамадыш карын
3-тћ суд ортчиз. Суд улэ шедемъёс янгыштэмесь лыдъямын, пытсэт улысь мозмытэмын
вал. М. у. сярысь Россиын гинэ ќвќл, кунгож сьќрын но тодмо луиз. Крестьянъёсты
юнме шорысь янгыше уськытэмлэсь утизы тодосчиос: Г. Е. Верещагин, П. Н.
Луппов, П. М. Богаевский; российской интеллигенция пќлысь тодмо адямиос:
В. Г. Короленко, Н. П. Карабчевский, А. Ф. Кони, В. И. Суходоев, Ф. А.
Патенко, А. Н. Баранов, О. М. Жирнов но мукетъёсыз.
Лит-ра: Короленко В. Г. Мултанское жертвоприношение: Собр. сочинений:
В 10 Т. М., 1955. Т. 9; Буня М. И. Короленко в Удмуртии. Ижевск, 1995;
Ванюшев В. М. Кин шоры ыбылэ Мултан уж? Ижевск, 1994; Луппов П. Н. Библиография
по Мултанскому делу // Записки УдНИИ. № 5. Ижевск, 1936.
|
|
