Монастырьёс

Удмуртилэн улосвылаз М. лэсьтон уж 17-тћ даурлэн шор вадесаз кутскиз. Нырысьёсыз пиосмурт М. вал: Спасской (19650–1764-тћ аръёс) Усть-Сарапулка черкогуртын, Вылћ Успенской (1682–1764-тћ аръёс) Яромаска черкогуртын, Анатольевской (1882–88-тћ аръёс) Сарапул карын. Ваньмыз соос экономической шуг-секытъёслы луыса пытсаллямын яке воксё быдтэмын вал. 1917-тћ ар азьын Удмуртилэн улосвылаз Синодэн официально юнматэм 2 М Сарапул карын вал (Ватка епархиысь 11 М. пќлысь). Нылкышно Благовещенской М. огъялык (община) выллем 1853-тћ арын кылдытэмын, 1881-тћ арын М.-лэсь нимзэ басьтћз. Солэн церковно-приходской школаез, мудор гожъян (суредан) но учебно-производственной мастерскойёсыз вал. Пиосмурт Иоанно-Предтеченской (Старцевогорской) М. 1900-тћ арын инъямын вал (30 монах но послушникъёс). Игуменэз должностья Сарапулысь епископ вал. Монахъёс Воткинск карын монастырь подворье возизы, обросъёс суредазы, матысь школаосын дышетћзы. Монастыть огъялыкъёс Шаркан, Каракулино черкогуртъёсын, Забегалово гуртын ужазы, нош 1917-тћ арозь М. кадь юнматэмын ќй вал. 1917-тћ ар бере ваньмыз М. но монастырь огъялыкъёс таркамын, куашкатэмын вал. Сарапул карын Благовещенской но Иоанно-Предтеченской М.-лэн юртъёссылэн кылемъёссы гинэ кќня ке адско на. 20-тћ аръёсы нимысьтыз «калгись монахиняослэн» – православилэсь традицизэ валтћсь возисьёслэн типсы кылдћз. Нылкышно М. усьтћськизы: Балезино ёросысь Каменное черкогуртын (1993-тћ арын) – Богородицалэн Покровезлэн; Воткинск ёросысь Перевозное черкогуртын (1994-тћ арын) – Богородицалэн Успениезлэн; Можга ёросысь Pуч Пычас черкогуртын (1998-тћ арын) – Малодивеевской Серафимо-Саровской. Али лэсьтћське Завьял ёросысь Люк черкогуртын Положение ризы Пресвятой Богородицы нимо монастырь.