Миссионерской школаос,

начальной одћг классъем школаос, кудъёсыз Поволжьеын но Приуральеын вќлмемын вал, черке пыртонэн но черклэн миссионерской уженыз герњаськемын вал. Нырысетћосыз М. ш. асьме улосвыламы 18-тћ даурлэн пумаз Казаньын, 18-тћ даурлэн шор вадесаз Свияжскын (1745-тћ арын), Казаньын, Царевококшайскын но Елабугаын (1750-тћ арын) усьтћськизы. Отын удмуртъёс но дышетскизы, соос вань дышетскисьёс пќлысь 9 %-эз вал. 19-тћ даурлэн 30-тћ аръёсаз Ватка губерниысь удмуртъёс понна миссионерской цельёсын выль школаос усьтћськылћзы. 1883-тћ арын 16 черк М. ш.-ын лыдњиськыны но гожъяськыны 167 нылпи дышетскиз. Дышетскон книгаос интые христианской литература, нырысетћ кылрадъянъёс но азбукаос пумисько вал. 19-тћ даурлэн 2-тћ љыныяз Поволжьеын но Приуральеын школьно-миссионерской практика тросгес И. И. Ильминскийлэн «христианской просвещение» сќзнэтаз реализоваться кариськиз. Казань но Уфа губерниосын братской школаос (Казаньын 1867-тћ арын кылдытэм Гурий нимо святительлэн но чудотворецлэн православно-миссионерской братствоысьтыз) усьтћськизы. Со аръёсы 22 братской школа усьтэмын вал, кытын 732 адями дышетскиз. Братской школаос одћг классъем 2, 3, шергес 4 курс дышетсконэн вал. Дышетћзы Инмар Законэз, анай кыл грамотаез, њуч кылын лыдњиськонэз но гожъяськонэз, молитваосты но кырњанъёсты (черкын кырњан понна). Удмуртъёс понна нырысетћ братской школа Казань губерниысь Казань уездысь Ошма черкогуртын усьтэмын вал. 20-тћ даурлэн кутсконаз братстволэн тужгес но шумприч луон вакытаз солэн кенешезлэн син азяз 62 крещено-татарской, 50 чуваш, 17 пор, 17 удмурт, одћг мордва но 5 њуч школаос вал. Ватка губерниын М. ш. православной миссионерской мерлэн губернской комитетэныз усьтћськылћзы, кудћз 1870-тћ арын 28-тћ куартолэзе юнматэмын вал. 1873-тћ арын солэн 10 школаяз 520 удмурт но 101 бесермян дышетскисьёс вал. Ватка губерниысь М. ш.-ысь дышетскисьёс нимысьтыз образование 2 классъем черк дышетћсьёсты дасян школаосын но Карлыганысь шор удмурт школаын басьтылћзы. М. ш. берлогес земской школаослы пќрмылћзы яке Калыкез дышетонъя министерстволэн веденияз кќчизы. Дышетскон книгаос интыын азбукаос, букварьёс, кылрадъямъёс, Н. Н. Блиновлэн, В. А. Ислентьевлэн, И. С. Михеевлэн, И. В. Яковлевлэн дышетон но методической поттэмъёссы (изданиоссы), Гурий нимо чудотворецлэн но святительлэн братствоысьтыз берыктонъя ќрилэн изданиосыз но мукет книгаос кутћськизы. Ватка губерниысь 19-тћ даурлэн кыкетћ љыныяз кќня ке висъяськонлы пумит луись (противораскольнической) М. ш. (Николай нимо святительлэн но чудотворецлэн братствоезлэн) вќлмизы. Таиз братство черк люкиськонлы пумит луыса 1882-тћ арын коньывуон толэзе кылдытэмын вал. 1885-тћ арын Удмуртиын 6 сыџе школа ужаз: Глазов, Елабуга но Малмыж уездъёсын быдэн кык. Дышетскисьёссылэн огъя лыдыз 118 адями. Нимысьтыз программаос ќй вал, дышетскисьёс огшоры кылрадъямез, тросгес черклэсь историзэ, тужгес ик черк люкиськонлэсь истьоризэ дышетћзы. 1900-тћ арын 18 черк люкиськонлы пумит луись школа лыдъяське вал ни: Глазов уездын – 10, Елабуга уездын – 2, Малмыж уездын – 6. Дышетскисьёссылэн огъя лыдыз 400 адями вал.
Лит-ра: Луппов П. Н. Народное образование среди вотяков со времени первых известий о них до 1840-х годов. Вятка, 1898.