Машагатов Василий Фомич

(вордћськемын 25-тћ толсур толэзен 1924-тћ арын УАССР-ысь Нылга (али Пичи Пурга) ёросысь Вуж Постол гуртын – кулэмын 22-тћ куартолэзе 1996-тћ арын Ижкарын), терапевт, эмтодосъёсъя доктор (1970-тћ арын), профессор (1971-тћ арын), УАССР-ысь (1963-тћ арысен) РСФСР-ысь (1984-тћ арысен) сћё-дано эмъясь. 1951-тћ арын ИГМИ-ез йылпумъяз. 1963–86-тћ аръёсы ИГМИ-ысь пуш висёнъёсъя прпедевтикая кафедраен кивалтћз. 1986–96-тћ аръёсы – консультант-профессор. Научной эскеронъёсыз интыысь инкуазь факторъёслэсь (минеральной вуослэсь но дэриослэсь) эмъясь быгатонлыкъёссэс эсекеронэн, соосты кутонъя амалъёс разработать каронэн, выльысь лэсьтэм инкуазь агентъёсын (улћ частотаен токъёсын), рефлектотерапилэн пќртэм вариантъёсыныз, желудочно-кишечной трактлэн, муслэн но сеп сюресъёслэн хронической висёнъёссы дыръя соослэн ужаменызы герњаськемын. Соин пищеваренилэн ёзъёсыз висён дыръя эмъян но диагностической аппаратураен комплекс разработать каремын. Солэн кичолтэменыз кар но элькун гастрологической центръёс, рефлексотерапияя кабинетъёс кылдытэмын. Солэн научной ужъёсысьтыз комплексной мероприятиос «Металлург» санаторийлэн, «Варзи-Ятчи» курортлэн, элькунысьтымы терапевтической но хирургической стационаръёслэн практикаязы пыртэмын. 120-лэсь ятыр науной публикациослэн, 5 выль кылдытэмъёслэн (изобретениослэн), гастроэнтерологияя но рефлексо терапияя 17 рациональной џуктонъёслэн авторез луэ. Удмурт Элькунысь терапевтъёслэн мерзылэн, курортъёсын кивалтонъя Элькунысь профсоюзъёслэн кенешсылэн научно-методической ќриезлэн ёзчиез. Быдњым Отечественной ожгаре пыриськемын. 1971–80-тћ аръёс џоже УАССР-ысь Вылћ Кенешлэн тќроез но депутат (8-тћ но 9-тћ ќтчамъёсын). КПСС-лэн 24-тћ ќтчамаз делегат вал. Тазалыкез утёнъя отличник (1964-тћ арын). Горд Кизили (1943-тћ арын), «Знак Почёта» (1966-тћ арын), Трудовой Горд Знамя (1971-тћ арын), Октябрь революцилэн (1976-тћ арын) орденъёсын но пќртэм медальёсын данъямын. М. – Удмурт Элькунысь сћё-дано кунмурт. Солэн нимыз УАССР-ысь Ужан данъя но героизмъя книгаяз пыртэмын.
Ужъёсыз: Влияние лечения минеральной водой Ново-Ижевского источника на некоторые показатели функционального состояния печени // Труды Ижевского мед. интитута . Т. 18. Ижевск, 1958; Опыт применения минеральной воды источника «Машиностроитель» при хронических заболеваниях желчевыводящих путей и печени // Материалы республиканской конференции терапевтов УАССР. Донецк, 1966.