Лыд (лыдъян, лыдъяськон),

числоосты возьматон амал. Лыдэз возьматсь числоос (пусъёс) адямилэн чиньыоссэ возьматон бардысь кылдэмын. Со сярысь верало податной, пастух, земской (музъем) биркаос, бугра џыпыку кутћськись корам пусъёс пуктылон но мукет. 19-тћ даурозь биркаос тодмо луо вал џыжы-выжы тамгаосъя (пусъёсъя). Трос пусъёссы удмурт князьёслэн, гурт старостаослэн вал. Числоосты гожтыса яке пусйыса возьматон сяна, удмуртъёслэн устной лыдъян но кутћське вал, тужгес но пиналъёс котыр дуннеен мед тунсыкъяськозы шуыса. Калык творчествоысь устной произведениосын (мадиськонъёсын, лыдъяськонъёсын, выжыкылъёсын) лыдъяськон џемысь дасозь вал, со сяна, 30, 40, 50, 70, 77, 365, 1000 лыдъёс но пумиськизы. Удмурт Л. сярысь нырысьсэ 1882-тћ арын немец тодосчи Макс Бух гожтћз, 24 удмурт цифра шедьтћз.
Лит-ра: Макс Бух. Местное письмо // Вотяки (Этнографическое исследование). Гельсинфорс, 1882.