Кукуруза

(Lea maus), злаковой семействоысь одћг аръем куаро будос. Будэто сое туж вашкала дырысен. Россие вуиз XVII даурысен. Удм. шаерын вож пудо сиёнлы но силослы будэтыны кутскизы XX даурлэн 50-этћ аръёсаз. 1954 арын 8-10 га вылын гинэ мерттэмын ке вал, 1993 арын вал ини 42616 га вылын; шорлыдын вож сиён сётэ 156 ц/га (1993) но 144 ц/га (1996).
К. - одћг модосо раздельнополой будос, пи сяськаосыз йылаз ик џужонэ люкасько, шепез кык сяськаё. Кышно соцветиосыз – початокъёсыз - урдэс вайёсыз йылын луо, соос куаръёсыныз бинямын кадь. Шунытэз яратћсь будос. Трос сортъёслэн но гибридъёслэн кидысъёссы будыны кутско + 10 градус шуныт дыръя. Удм. шаерын тысез молочной но молочно-восковой луытозь будэ. К. мынэ сиён лэсьтыны (тысез, пачкес тысез, кеньырез, крахмалэз, вќйыз), сур пќзьтыны но спирт поттыны, медицинаын – кыдэз. Вылћњечлыко пудо сиен луэ, адямилы - диет. сиен луэ. Агротехнической пайдаез но бадњым: быдтэ бусыысь силё-сюрно будосъёсты, музъемез узырмытэ, соин сое трос мукет культураос азьын мертто. Асьме палан будэто Коллективной 220 но Молдавской 215 нимо сортъёссэ.
Лит.: Кукуруза в Удмуртской АССР. Ижевск, 1959.