«Крестьянлэн куараез» («Голос крестьянина»),

элькунын pуч кылын потbсь мер но политической газет. Нырысетb номерез «Ижевской правда» газетлэн ватсанэз выллем 3-тb шуркынмонэ 1924-тb арын потbз. Газет бамъёс вылын Совето кивалтэтлэн музъем уж политикаез, автономи улосвылысь крестьянъёслэн улонзы но ужамзы сярысь ивортонъёс потылbзы. Поттонлыдыз 10 сюрс экземпляр вал. 1925-тb арысен 5-тb пjсьтолэзьысен «К. к.» нимысьтыз газетэн Быдэс Союзысь большевикъёслэн коммунистической партизылэн (ВКП(б)) улосвыл комитетэзлэн но улосвыл исполкомлэн ёзэсэз (органэз) выллем потыны кутскиз. Весь потbсь люкетъёсыз: «Крестьянёслэсь гожтэтъёс», «Кар – гуртлы», «Музъем гырисьёслы кенешъёс», «Пудо-животэз нормаосъя сюд», «Советъёслэн шаерзы кузя», «Мар ортче капитал кунъёсын». Берлогес газет «Выль гурт» («Новая деревня») нимын pуч кылын потыны кутскиз. Потbз кык пол арняяз. Поттонлыдыз 12 сюрс экземлярозь будbз. 1930-тb арын 30-тb коньывуонэ большевикъёслэн Быдэс Союзысь коммунистической партизылэн улосвыл комитетысьтыз бюроезлэн пуктэмезъя, газетлэн нимыз «Колхозная правда» луиз. Потbз 30-тb аръёслэн пумозязы. Редакторъёсыз: Г. Никифоров, Е. Русинова, А. Бурдыгина но мукетъёсыз.