КОНЬЫ (Sciurus vulgaris ; зуч сямен белка обыкновенная), лулосъёслэн йырйись лёгетысьтызы коньы динь выжыысь йол нонись пойшур. Мугорызлэн кузьдалаез 30 см-озь, быжызлэн 22 см-озь. Гонэз нап, яркыт чуж-гордысен пурысёзь но сьодозь. Пумиське Европалэн тэлё тундраяз, нюлэсо но нюлэсо-нюлэстэм чошкыт интыосаз. Удмурт элькунын котькытын но пумиське. Улэ ягъёсын но суро-пожо тэльёсын, писпу гырке яке писпу вылэ кар лэсьтэ. Отын ик арлы 2 – 3 пол вае 3 – 10 коньыпи. Емышаны пота югыт дыръя, быдэс ар чоже. Чемгес сие лысо писпуослэсь кидысъёссэ, озьы ик сие губи, емыш, пычы, нымы-кибыосты. Толалтэлы тыпымульы, пашпумыльы, губи бичаса дася. К. вылэ пойшурало нюлэсканы яратисьёс но пойшуран онерын ужасьёс. Вашкала дыръя коньы ку удмуртъёслэн коньдон интые вал ("уксё" кыллэн синонимез "коньы"). Коньы но коньы ку ку воршуд осконын силы карон маке вал.