КЕЛЬМАКОВ Валей Кельмакович (в. 14.1.1942, Верхняя Юмья (Тыло) Кукмор ёрос, ТАССР), кылтодосчи, кылтодосъя д-р (1993), проф. (1996), Удмуртилэн (1991) но Россилэн (1993) наукын дано ужасез, финно-угроведъёслэн калык куспо комитетсылэн (1990) но Финляндиысь Финн-угор об-волэн (1994) ёзчиез.

1964 быдэстиз Удмурт пединститутэз, Москваын аспирантураез. Ужа Историяя, кылъя но лит-рая удмурт институтын но, 1971 арысен пединститутын, УдГУ-ын, удмурт но финно-угор языкознаниея/ кылтодосъя кафедраен (1983–89), 1995 арысен огъя но финно-угор языкознаниея/ кылтодосъя кафедраен кивалтись. 1992–94 аръёсы Финляндиын удмурт кыллы дышетиз. 170-лэсь трос печатлам ужъёсыз полысь данакез диалектология, ист. фонетика но морфология ужпумъёсъя. Солэн чектэмезъя коми но удмурт кылъёсъя /пермистикая 4/5 конф. ортчытэмын но, К. редактировать карыса, статьяосын 4/5 бичет поттэмын. Со радъяз «Удмурт вераськетъёс»–«Удмуртские диалекты» книгаос поттонэз. К. ономастикая, финн-угор кылтодонэ /языкознание пыронъя/введениея, удм. кылтодонлэн историезъя спецкурсъёс дасяз. Пыриськылиз финн-угроведъёслэн калык куспо (Таллин - 1970, Будапешт-1975, Турку-1980, Сыктывкар-1985, Дебрецен-1990, Ювяскюля-1995) конгрессъёсазы.

Ужъёсыз: Образцы удмуртской речи: Северное наречие и срединные говоры. Ижевск, 1981; 2: Срединные говоры. Ижевск, 1990; Формирование и развитие фонетики удмуртских диалектов. Ижевск, 1993; Краткий курс удмуртской диалектологии. Ижевск, 1998.