Йыр керттэт

(огъя перм *jur – йыр но *kert- – керттылыны, керттыны – њуч кылын повязка для головы, на голову шуыса берыктыны луоз), кымысэ керттон басма, гуртын куэм дэралэсь сюбег полоска, зарниен, азвесен яке пќртэм буёло мишураен вурем тесьмаен (позументэн), пќртэм буёло фабричной сћньысъёслэсь пужыятэмен, удмурт нылкышнолэн йыр вылаз дћсян арбериезлэн люкетэз. Чеберъян понна азвесь (шергес зарни) манетъёс но бисер кутћськизы. Йыр керттэтлэн пуш палаз чурыт карон понна куддыръя кызьпу туйлэсь векчи вандэм полоска понылћзы (вурылћзы). Чалмаен но айшонэн цош нуллылћзы. 20-тћ даурлэн 30-тћ аръёсозязы Удмуртилэн лымшор ёросъёсаз пумиськиз, озьы ик Татарстанлэн Бавлы ёросаз но Башкортостанлэн Ермекеевской ёросаз.
Лит-ра: Лебедева С. Х., Волкова Л. А. Женские головные уборы. Налобные повязки: Каталог Удмуртского республиканского краеведческого музея. Ижевск, 1983.