ИВАНОВА Маргарита Григорьевна (в. 20.11.1945, Верх. Кватчи гурт, Можга ёрос, УАССР), археолог, истори наукаосъя д-р (1996). Наукаын Удмуртилэн дано ужасез (1994). Удмурт пединститутэз быдэстэмын (1969). 1973 арысен Историяя, кылъя но лит-рая удмурт институтын ужа, 1981 арысен археология ёзэн /отделэн кивалтэ, 1996 арысен – учёной секретарь. Наукаын эскерон ужпумъёсыз: удмуртъёслэн 9–17 дауръёсы (ср.-век. историю) историзы но культуразы. Чупчи кузяна улэм бервылъёссэс, тужгес но 9–13 дауръёсысь Иднакарез, трос аръёс чоже гудыса шедьтосъёсъя, удмуртъёслэсь Зуч кунэ пыртон азьын улон радзэс тодыны быгатиз. Удмуртъёслэн вашкала историзыя И. трос статьяос но книгаос поттиз ни. Со пыриськылэ финно-угроведоведъёслэн калык куспо конгрессъёсазы (Сыктывкар, 1985, Дебрецен, 1990, Оулу, 1993, Ювяскюля, 1995).

Ужъёсыз: Хозяйство северных удмуртов в конце IX — начале ХIII вв.//Северные удмурты в начале II тысячелетия н.э. Ижевск, 1979; Чепецкие древности. Устинов, 1985; Истоки удмуртского народа. Ижевск, 1994; Иднакар. Ижевск, 1998. Л.С. Христолюбова.