Губиос

(Mycota, њуч. - грибы), аспќртэмлыко гетеротрофной организмъёслэн бадњым группазы, кудћз висъямын нимаз эксейлыке. Вегетативной мугорзы соослэн адсконтэм векчи сћньысъёслэсь - гифъёслэсь кылдэ но мицелий шуиське. Мицелийлэн кыџеезъя губиос улћ но вылћ пќртэм луо. Улћосыз ог 2000 пала, соос ньыль классъёслы люкисько: хитридиомицетъёс, гифохитридиомицетъёс, оомицетъёс но зигомицетъёс. Удм. шаерын паськыт вќлмемын фитофтора выжылэн видъёсыз но оомицетъёс пќлысь переноспора вид. Нырысьёсыз картошкаез фитофторозэн висьыто (сисьмыто, озьы ик помидорез, улмоез, узыез сисьто). Кыкетћосыз - емышъёсты висьыто зэм луисьтэм пызь лысвуэн, тужгес сугонэз. Вылћ губиос ог 90 сюрс пала, кылдыто 3 класс: сумчатой, базидиальной но несовершенной. Сумчатойёсыз ог 30 сюрс пала, 23 радъем. Паразит губиос будосъёсты пызь лысву (мучнистой роса) висёнэн курадњыто, фацидиевойёсыз лысо писпуосты байбуралы пќрмыто - лыссэс џуж но горд каро. Спорыньевойёсыз шепо ю-нянез спорыньяен висьыто. Удм. шаерын вќлмемын эризифе выжыысь губиос, соос шепъёсты но бобовой будосъёсты висьыто. Микросфера выжыысьёсыз крыжовникез но тыпыез изъянто; сферотекаысьёсыз – вож сутэрлэсь куаръёссэ но мульыоссэ, спорынья – ю-тысез. Фацидиум но лофдермиум – пужым лысэз. Несовершенной классэ пыро ог 30 сюрс тусъемъёсыз губиос з радэ пырисьёсыз пќлысь. Ваньзэ микроскоп пыр гинэ адњыны луэ, уло соос вуосын, музъемын, будосъёс вылын. Шаерамы музъемын уло пеницилл, аспергилл, триходерма, паразит луисьёсыз пќлысь - фузариум - сисьтэ емшъёслэсь выжыоссэс; ботритис - узыез; септория - шепо будосъёслэсь, томатъёслэсь, зонтичнойёслэсь куаръёссэс. Базидальной губиос ог 30 сюрс пала луо, 20 рад кылдыто. Головневой но сыномытћсь радъёсы пыро микроскоп. видъёс, кудъёсыз вќлмо будосъёс вылын. Кылемъёсыз базидиальной Г. быдњым емшъёслы тупало, соин соосты микромицетъёс шуо. Элькунамы соос 400-лэсь трос луо, соос пќлысь 100 пќртэмез будосъёсты соро, ог 200 палаез сиыни ярало, 20-лэсь тросэз адыё луо.
Писпуосты изъянтћсь Г. будо улэп яке кулэм писпуос вылын но пузэс сисьто, соос вќлмемын быдэс элькунамы. Пуэз золгес сисьто афиллофоровой радэ пырись трутовой Г., соос 68 пќртэм. Улэп лысо писпуосын пужым губи (губка), кызгуби, выжыё губка, куаро писпуос вылын - ложной трутовик, пипугуби, чага. Пузэс юнгес сисьто трутовик окаймленный (сћё-губи), зэмос трутовик, кызьпувыл губи, пачкес трутовик, забор губиос. Сиыны ярало агариковой яке пластинчатой радэ пырисьёсыз (138 пумо): говорушкаос, музъем яке пушнергубиос, шампиньонъёс, нингубиос, вёшенкаос, шыргубиос; болетовой ( 22 пќртэм): тќдьыгуби, вќёгуби, кызьпуулгуби, пипуулгуби (гордвыл губи), гондыргуби (вож моховик); афилофоровой (18 пќртэм) : њичыгуби, пугуби, сюргуби; дождевиковой (10 пќртэм): гудырипуз но мук.
Сиыны ярантэм ядыё губиос озьы ик вќлмемын быдэс шаерамы: парсьгуби, тќдьы рядовка но говорушка, сюсь говорушка, толоконница, гифолома. Тужгес кышкыт луо аманит выжые пырисьёсыз: тќдьы кыед губи (бледной поганка), кут кулон губиос ваньмыз.
Макромицетъёс пќлыеь куд-огез туж шер пумисько но утёно губиос пќлы пыртэмын: кубиста губи, бадњым лангермания, Азиысь болетин, Рейхардлэн лензитесэз.
Лит.: Тычинин В. А. но мук. Съедобные и ядовитые грибы. Ижевск, 1994.