Флора

(Flora, тулыс но сяська инмар, богиня цветов), азьло но али вань будосъёслэн огазеяськемзы. Вашкала геологич. эпохаосысь будосъёс быризы, луоз, климат воштћськемен. Третичной флораысь кќня ке будосъёс гинэ кылемын шаерамы. Соосты огазеяса третичной реликтъёс шуо. Плейтоцен, кудћз дыръя шуныт куазь воштћськылћз туж кезьытэныз, флорамес бадњым воштћськонъёсы вуттћз. Удм. шаерын будыны кутскизы арктической но степной будосъёс, быризы шунытзз яратћсь писпуос, куакъёс но турын будосъёс. Туала флораын вылћ нюръёсын, нюлэсъёсысь кезьыт шуръёс дурын, ошмесъёс дурысь шедьтыны луэ на ледниковой будосъёсты, соосты нимало плейстоценовой реликтъёс шуыса.
Голоцен дыръя (йќњекток бере) климат луэ я кќс, я кот, я кезьыт, я шуныт. Та юн шќдћськиз флора вылын. Ксеротермической вакытэ (куазь кќс но пќсь улыку), тросэз лымшор пал кыръёсысь будосъёс асьме пала тубизы, нош кот но салкым дырья, соосты палэнтћзы мукет экологической группаос. Куд-огез кыр будосъёс али но пумисько шаермылэн пќртэм интыосаз. Шуныт вакытэ вќлмизы неморальной комплексэ пырись будосъёс, кудъёсыз герњаськемын луо эколого-фитоценотически паськыт куаро писпуем нюлэсъёсын. Флоралэн кыџеез туж юн герњаськемын адямилэн хозяйственной ужъёсыныз, тужгес но асьме регионын музъем ужен но пудо вордонэн вырыны кутскем бере (туй даур, 2,5-3,5 сюрс ар талэсь азьло). Удм. шаерысь туала флораын ог 1800 пќртэм будосъёс. Ог 800 пќртэмез адямиен ваемын (учке Заносной будосъёс). Культурной будосъёс сяна, соос пќлын вань тросэз жаг-турынъёс но рудеральной будосъёс, кудъёсыз потэмын мукет интыосысь но континентъёсысь (Африкаысь, Америкаысь, Австралиысь). Эрказ будћсь флораын - 1010 будосъёс пыро 414 выжые но 101 семействое. Соос пќлын 7 пумо кыйљуйёс, 22 - кикыньќлъёс, 6 шара кидысоос но 968 сяськаемъёсыз. Аслаз тодметъёсыныз (систематикая, эколог., биол., геогр. анализъя) Удм. шаерысь флора матын Европалэн умеренной посаз будћсь флоралы. Озьк ик быдэс Россиялэн но умеренной поясэзлы. Тужгес бадњым инты басьто сложноцветнойёс, шепо, шашы, льќль сяськаё, инвожо, купанча, норичниковой, губоцветной, бобы, крестоцветной семействоосы пырись будосъёс. Пќртэм будосъёс элькунамы огкадь инты уг басьто пќртэм мугъёсъя (реликтъёс, эндемикъёс) истор. муген, яке географ. муген (пќртэм интыосын будыны быгатымтэенызы). Љыныезлэсь тросэз будосъёс тупало Евразилэн таёжной флораезлы. Озьы ик вань Сибирьысь вуэм будосъёс (някырскись пион, Сибирь адонис, Сибирь вечерница) но лесостепной зоналэн представительёсыз (перистой ковыль, огшоры лабазник, эмъюм алтей). Ог 1/3-эз я уйшор пал, я лымшор пал, я шунды љужан пал, я пуксён пал интыосын гинэ будћсь луо, соин ик куд-огзэ лымшор палась гинэ шедьтыны луэ, мукетъёссэ уйшор палась. Уйшор пал гожзы луэ тыпылэн, бересклетлэн, бадярлэн, лещиналэн, пашпулэн, лымшор пал - лыстэм пужымлэн, арктической эмезьлэн, сибирь княжиклэн; шунды љужан гожзы - ландышлэн, џуж зеленчуклэн; шунды пуксён пал - белоуслэн, дымянкообразной хохлаткалэн. Али дыре шаермы вылын юн шќдћське сьќрлось вуэм будосъёслэн экспансизы, пумен синэ эркын будосъёслэн популяцизы. Али дыре ог 150 пумоез бырон калэ вуэмын, нош 18-эз, оло, ыштэмын ини (уч. Шер пумиськись но бырыны кутскись будосъёс).
Лит.: Туганаев В. В., Пузырев А. К., Гемерофиты Вятско-Камского междуречья. Свердловск, 1988; Баранова О. Г. и др. Конспект флоры Удмуртии. Ижевск, 1992.