Етћн

(Linum; њуч - лён), етћн семействоысь одћг но трос аръем турын но куак будос, ог 200 пќртэм луэ, будэ субтроп. но умерен. поясъёсын. Сяськаосыз чагыресь, люкенак будо. Емышез - коробочка. Удм. шаерын будэ кык пќртэмез: слабительной но культурной. Слабительной етћн шер пумиське, лымшор ёросъёсын гинэ. Культурной етћн - одћг аръем двудольной будос Азиысь яке Средиземноморьеысь ваемын но туж вашкала дырысен будэтћське, Удм. шаерын 10-этћ даурысен. Али дыре шаерамы кизё 10 сюрс га вылэ (1993). Шорлыдын гектарысьтыз 3 ц етћн мертчан но 0,7 ц кидыс сётэ. Республикаын нимысьтыз дасямын «Етћн» программа (1998). Етћнлэн модосаз ог 20 % мертчанэз луэ, солэсь лэсьто туж ус шорт но пќртэм дэраос куо. Кидысаз 40 % пала вќйыз. Со туж љог куасьме, соин ик кутћське буёлъёс, лакъёс, олифа, линолеум лэсьтонын. Шаерамы будэто таџе сортъёсты: Псковской 359, Призыв 81, Белинка. Изъянтћсьёсыз но висёнъёсыз: етћн пыџ, етћн тысь сиись, етћн трипс; фузариоз, сыномон, полиспороз, антракноз, бактериоз, аскохитоз.
Лит.: Антонов Н. Д., Дрягин А. В. Вопросы возделывания льна в Удмуртии, Ижевск, 1960.