ЧАЙКОВСКИЙ Петр Ильич (25. 4. 1840, Воткинск – 25. 10. 1893, Петербург),

зуч композитор, дирижер, дышетись, крезьгур энерчи. Франциысь лулчеберъя Академилэн член-корреспондентэз (1892), Кембридж университетысь сие-дано доктор (1893). Чайковский бадзым выжыысь Вятка вайлэн одигез бадзым пиез. Пичи дыръессэ Чайковский ортчытиз Воткинскын (1840 – 48), кытын крезьгурез валаны сое дышетиз анаез Александра Андреевна. 5 аресысен дышетиз немец но француз кылъесты Ф. Дюрбах гувернантка, 1859-ти арын быдтиз Петербургысь катъесты дышетонъя училищеез, 1965-ти арын – Петербургысь консерваториез (кл. А.Г. Рубинштейн). 1866 – 77-ти аръесы улиз Москваын, дышетиз Москваысь консерваториын, печатласькиз «Русские ведомости» журналын. Татын тодматске А.Н. Островскиен, В.Ф. Одоевскиен но Л.Н. Толстоен.

М. А. Балакиревлэн чектэмезъя гожтиз «Ромео и Джульетта» увентюра-фантазиез. Нош В. В. Стасовлэн чектэмезъя «Буря» фантазизэ гожтиз. П. И. Чайковский та вакытэ кылдытэ коня ке симфониос, операос, балетъес но мукет произведениос. Тужгес но тодмо луо фортепьяноен оркестрлы Нырысети, Кыкети но Куинети симфониосыз (1866, 1872, 1875), «Опричник» операез, «Лебединое озеро» но «Ромео и Джульетта» балетъесыз. 1877 – 84-ти аръесы Чайковский быдэсак сизе ассэ яратоно ужезлы. Ужа Италиын, Швейцариын, Россиын (Петербург, Москва, Каменка). Та выкытысь ужъесыз: «Евгений Онегин» опера, Ньылети симфониез (1878), «Итальянское каприччио» (1880) но «1812 год» данъясь увентюра.

1885 – 93-ти аръесы улэ но ужа Москва котыръесын (Фроловское, Майданово, Клин кар).

Гожъяськон ужзэ огазея исполнениосыныз. Симфонической оркестръесын чош Москваын, Петербургын, Тифлисын концертъессэ сетэ. Концертъесын вуэ Берлинэ, Гамбурге, Париже, Лондонэ. Та вакытысь ужъесыз: «Пиковая дама», «Иоланта» операосыз, «Спящая красавица», «Щелкунчик» балетъесыз, Витети но Куатети симфониосыз (1888, 1893).

П. И. Чайковский зуч музыкальной культураез но соин чош ик быдэс дуннеысь музыкальной культураез ноку вунонтэм, паймымон чебересь операосын, балетъесын, инструментальной произведениосын узырмытиз.

Петербурге кошкем бераз но, Чайковский ялан тодаз вайылиз Воткинскез, солэсь инкуазьзэ, отысь калыкез. Чайковскийлэн крезьгурез Удмуртиын чузъяськиз, кулэм бераз 20 ар ортчыса гинэ.

1933-ти арысен Чайковскийлэн крезьгурез чузъяськиз Удмурт радиоын, «Италмас» ансамбльлэн концертъесаз, крезьгуро дышетон школаосын. 1958-ти аресысен арлы быдэ Удмуртиын ортчыло Чайковскийлы сизем крезьгур фестивальес, кудъесаз вуыло тодмо быдзым коллективъес, дирижеръес но кырзасьес.